ഭൂമി ഏറ്റെടുക്കൽ പൂർത്തിയാക്കണം

കൊല്ലം: ദേശീയപാത 744 കടമ്പാട്ടുകോണം-ഇടമൺ ഗ്രീൻഫീൽഡ് ഹൈവേയുടെ ഭൂമി ഏറ്റെടുക്കലുമായി ബന്ധപ്പെട്ട നടപടികൾ പൂർത്തിയാക്കി അടിയന്തിരമായി ഭൂ ഉടമകൾക്ക് നഷ്ടപരിഹാരം വിതരണം ചെയ്യണമെന്നും ഭൂമി ഏറ്റെടുക്കൽ നടപടികൾ പൂർത്തിയാക്കാത്ത വില്ലേജുകളിലെ തുടർ നടപടികൾ ത്വരിതപ്പെടുത്തി ഭൂമി ഏറ്റെടുക്കൽ പൂർത്തിയാക്കണമെന്നും, പുതിയ പദ്ധതിക്ക് അടിയന്തിരമായി അംഗീകാരം നൽകി ദേശീയപാത വികസനം ത്വരിതപ്പെടുത്തണമെന്നും എൻ.കെ.പ്രേമചന്ദ്രൻ എംപി ലോക് സഭയിൽ ആവശ്യപ്പെട്ടു. ചിലയിടങ്ങളിൽ ഭൂമി ഏറ്റെടുക്കൽ നടപടികൾ പൂർത്തീകരിച്ചെങ്കിലും നഷ്ടപരിഹാരം നൽകുന്ന നടപടി നീളുകയാണെന്നും എം.പി ചൂണ്ടിക്കാട്ടി.