ജാതി സമ്പ്രദായം അവസാനിപ്പിക്കുന്നതിൽ മിഷനറിമാർ നിർണായക പങ്ക് വഹിച്ചു: വി.ഡി. സതീശൻ

കൊ​ല്ലം: ജാ​തി സ​മ്പ്ര​ദാ​യ​വും അ​ടി​മ സ​മ്പ്ര​ദാ​യ​വും അ​വ​സാ​നി​പ്പി​ക്കു​ന്ന​തിൽ മി​ഷ​ന​റി​മാ​രു​ടെ പ്ര​വർ​ത്ത​നം വ​ലി​യ പ​ങ്കു വ​ഹി​ച്ച​താ​യി മു​ഖ്യ​മ​ന്ത്രി വി.ഡി.സ​തീ​ശൻ പ​റ​ഞ്ഞു. പ​ട്ട​ത്താ​നം ഭാ​ര​ത രാ​ജ്ഞി ഇ​ട​വ​ക ഓ​ഡി​റ്റോ​റി​യ​ത്തിൽ ഭാ​ര​ത​ത്തി​ലെ പ്ര​ഥ​മ ക​ത്തോ​ലി​ക്ക രൂ​പ​ത​യാ​യ കൊ​ല്ലം രൂ​പ​ത​യു​ടെ മൂ​ന്നു​വർ​ഷം നീ​ണ്ടുനിൽ​ക്കു​ന്ന 700 ​ാം വാർ​ഷി​കാ​ഘോ​ഷം ഉ​ദ്​ഘാ​ട​നം ചെ​യ്യു​ക​യാ​യി​രു​ന്നു അ​ദ്ദേ​ഹം.
ക്രൈ​സ്​ത​വ ദർ​ശ​നം ഹൃ​ദ​യ​ത്തി​ലേ​റ്റി​യ മി​ഷ​ന​റി​മാ​രു​ടെ കേ​ന്ദ്ര​മാ​ണ് കൊ​ല്ലം. കൊ​ല്ലം രൂ​പ​ത​യെയും കൊ​ല്ലം തു​റ​മു​ഖ​ത്തെ​യും ​കു​റി​ച്ച് മാർ​ക്കോ​പോ​ളോ ഉൾ​പ്പടെ​യു​ള്ള സ​ഞ്ചാ​രി​കൾ യാ​ത്രാ വി​വ​ര​ണ​ങ്ങ​ളിൽ രേ​ഖ​പ്പെ​ടു​ത്തി​യ​ത് ച​രി​ത്ര​ത്തി​ന്റെ ഭാ​ഗ​മാ​ണ്. മി​ഷ​ന​റി​മാർ ബൈ​ബിൾ പ്ര​ചാ​ര​ണ​ത്തി​നാ​യി അ​ച്ച​ടി ആ​രം​ഭി​ച്ച​തോ​ടെ​യാ​ണ് നാ​ട്ടി​ലെ അ​ച്ച​ടി സ​മ്പ്ര​ദാ​യ​ത്തി​ന് തു​ട​ക്ക​മാ​യെ​ന്നും മു​ഖ്യ​മ​ന്ത്രി പ​റ​ഞ്ഞു.
തി​രു​വ​ന​ന്ത​പു​രം ല​ത്തീൻ അ​തി​രൂ​പ​ത ആർ​ച്ച് ബി​ഷ​പ്പ് ഡോ. തോ​മ​സ് ജെ.നെ​റ്റോ അ​ദ്ധ്യ​ക്ഷ​ത വ​ഹി​ച്ചു. വ​ത്തി​ക്കാ​ന്റെ ഇ​ന്ത്യൻ സ്ഥാ​ന​പ​തി​യു​ടെ പേ​പ്പൽ സ​ന്ദേ​ശം ജൂ​ബി​ലി കൺ​വീ​നർ ഫാ. ജോ​സ​ഫ് ജോൺ വാ​യി​ച്ചു. രൂ​പ​ത പി.ആർ.ഒ ഫാ. ലാ​സർ.എ​സ്.പ​ട്ട​ക​ട​വ് പ​രി​ഭാ​ഷ​പ്പെ​ടു​ത്തി. മ​ന്ത്രി​മാ​രാ​യ ഷി​ബു ബേ​ബി ജോൺ, ബി​ന്ദു കൃ​ഷ്​ണ, പി.സി.വി​ഷ്​ണു​നാ​ഥ്, രൂ​പ​ത മുൻ ബി​ഷ​പ്പ് ഡോ. സ്റ്റാൻ​ലി റോ​മൻ, കൊ​ല്ലം മേ​യർ എ.കെ.ഹ​ഫീ​സ്, വി​ഷ്​ണു മോ​ഹൻ എം​.എൽ.​എ, സ​ന്യ​സ്​ത പ്ര​തി​നി​ധി വി​മ​ല, ഹൃ​ദ​യ​സ​ഭ​യു​ടെ മ​ദർ ജ​ന​റൽ സി​സ്റ്റർ റെ​നോ​റ മേ​രി, അൽ​മാ​യ പ്ര​തി​നി​ധി പ്രൊ​ഫ. ബി​ജു ടെ​റൻ​സ് അ​ര​വി​ള, കെ.സി.വൈ.എം രൂ​പ​ത പ്ര​സി​ഡന്റ് അ​ല​ക്‌​സ്.കെ.ന്നെ​ഡി എ​ന്നി​വർ സംസാരി​ച്ചു.
വാർ​ഷി​കാ​ഘോ​ഷ വേ​ള​യിൽ രൂ​പ​ത​യി​ലെ ഓ​രോ ഭ​വ​ന​ത്തി​ലേ​ക്കും പ്ര​യാ​ണം ചെ​യ്യാ​നു​ള്ള 'ക്രി​സ്​തു​ജ്യോ​തി ജൂ​ബി​ലി​ദീ​പം' ആർ​ച്ച്​ബി​ഷ​പ്പ് ഡോ. തോ​മ​സ് ജെ.നെ​റ്റോ തെ​ളി​ച്ചു. രൂ​പ​ത മ​ദ്ധ്യ​സ്ഥ കർ​മ്മ​ല മാ​താ​വി​ന്റെ ഛാ​യാ​ചി​ത്ര​വും അ​ദ്ദേ​ഹം അ​നാ​വ​ര​ണം ചെ​യ്​തു. കൊ​ല്ലം ബി​ഷ​പ്പ് ഡോ. പോൾ ആന്റ​ണി മു​ല്ല​ശേ​രി സ്വാ​ഗ​ത​വും വി​കാ​രി ജ​ന​റാൾ മോൺ. ബൈ​ജു ജൂ​ലി​യൻ ന​ന്ദി​യും പ​റ​ഞ്ഞു.