വിദ്യാർത്ഥികളെ അനുമോദിച്ചു

കൊടുവളി: എം.എസ്.എസ് കൊടുവള്ളി യൂണിറ്റിന്റെ ആഭിമുഖ്യത്തിൽ പ്ലസ് ടു, വിവിധ ഉന്നത കോഴ്‌സുകളിൽ മികച്ച വിജയം നേടിയ വിദ്യാർത്ഥികളെ അനുമോദിച്ചു. ഉന്നത വിദ്യാഭ്യാസ മാർഗനിർദേശ പദ്ധതിയുടെ ലോഗോ പ്രകാശനം ചെയ്തു. കൊടുവള്ളി മുനിസിപ്പൽ ചെയർപേഴ്സൺ സഫീന ഷമീർ ഉദ്ഘാടനം ചെയ്തു. എം.പി. സൈനുദ്ദീൻ അദ്ധ്യക്ഷത വഹിച്ചു. സി.ജി. ഇന്റർനാഷണൽ ചെയർമാൻ എം.എം. അബ്ദുൽ മജീദ് മോട്ടിവേഷൻ ക്ലാസ് നയിച്ചു. മുൻ എം.എൽ.എ പി.ടി.എ. റഹീം, കോതൂർ മുഹമ്മദ്, പി.ടി. മൊയ്തീൻകുട്ടി, എ.കെ. കാദർ, എം.ടി. അബ്ദുൽ മജീദ്, ഇ.സി. ഇഖ്ബാൽ, താണിക്കൽ മുഹമ്മദ്, വി. സിയാലി, എൻ. റംല എന്നിവർ പ്രസംഗിച്ചു. ഇ.സി. മുഹമ്മദ് സ്വാഗതവും ഇ.സി. ഹംസ നന്ദിയും പറഞ്ഞു.