അനുസ്മരണവും ബോധവത്ക്കരണവും

വടകര: തലായി യുവധാര ലിസണിംഗ് സെന്റർ തെക്കയിൽ മുക്ക് അഭിനവ് മലയിൽ (അച്ചു) അനുസ്മരണവും, ബോധവത്ക്കരണ ക്ലാസും നടത്തി. എടച്ചേരി പഞ്ചായത്ത് പ്രസിഡൻ്റ് ടി.വി ഗോപാലൻ ഉദ്ഘാടനം ചെയ്തു. ഒ സതീശൻ്റെ അദ്ധ്യക്ഷത വഹിച്ചു. ഹരീന്ദ്രൻ, പുരുഷൻ, രാമചന്ദ്രൻ പി.കെ, രജീഷ് അക്കരോൽ എന്നിവർ പ്രസംഗിച്ചു. എടച്ചേരി പൊലീസ് എ.എസ്.ഐ രതീശ് മടപ്പള്ളി ലഹരി വിപത്ത് ബോധവത്കരണം നടത്തി. അഭിനവിന്റെ സ്മരണക്കായി കുടുംബം സ്റ്റക്ച്ചർ,​ ചെമ്മേരികണ്ടി നാണുവിന്റെ സ്മരണക്കായി കുടുംബം വീൽചെയർ,​ കട്ടിൽ,​ എയർബഡ് തുടങ്ങിയ ഉപകരണങ്ങൾ യുവധാരക്ക് കൈമാറി. കെ.കെ ശശി സ്വാഗതവും പി ബാലൻ നന്ദിയും പറഞ്ഞു.