പ്രീ ഫാബ് ടോയ്ലറ്റ്

മുതലമട: ജില്ലാ പഞ്ചായത്തിന്റെ 2025-26 വാർഷിക പദ്ധതിയിൽ ഉൾപ്പെടുത്തി ജി.എച്ച്.എസ്.എസ് മുതലമടയിൽ നിർമ്മിച്ച പ്രീ ഫാബ് ടോയ്ലറ്റ് ജില്ലാ പഞ്ചായത്ത് വൈസ് പ്രസിഡന്റ് എൻ.സരിത ഉദ്ഘാടനം ചെയ്തു. സ്‌കൂളിൽ നടന്ന ചടങ്ങിൽ സ്‌കൂൾ പ്രധാനാദ്ധ്യാപിക എൻ.പത്മ സ്വാഗതം പറഞ്ഞു. പി.ടി.എ പ്രസിഡന്റ് കെ.കലാധരൻ അദ്ധ്യക്ഷത വഹിച്ച പരിപാടിയിൽ അദ്ധ്യാപകരായ ആർ.സതീശൻ, ആൽബർട്ട് തുടങ്ങിയവർ പങ്കെടുത്തു. വിദ്യാർത്ഥികളുടെ ശുചിത്വത്തിനും ആരോഗ്യത്തിനും പ്രാധാന്യം നൽകിക്കൊണ്ട് നടപ്പിലാക്കിയ പദ്ധതി വലിയ പ്രയോജനകരമാകുമെന്ന് എൻ.സരിത പറഞ്ഞു.