കായികദിനാഘോഷം സംഘടിപ്പിച്ചു

തിരുവല്ല : ഹോക്കി മാന്ത്രികൻ മേജർ ധ്യാൻചന്ദിന്റെ ജന്മ​ദിനം ദേശീയ കായിക ദിനമായി ആഘോഷിച്ചു. പരിപാടിയും ഫുട്‌ബാൾ സൗഹൃദ മത്സരവും അഡ്വ.വർഗീസ് മാമ്മൻ.എം.എൽ.എ ഉദ്ഘാടനം ചെയ്തു. ജില്ലാ സ്‌പോർട്സ് കൗൺസിൽ ഭരണസമിതി അംഗം ഡോ.റെജിനോൾഡ് വർഗീസ് അദ്ധ്യക്ഷത വഹിച്ചു. ജില്ലാ സ്‌പോർ​ട്സ് കൗൺസിൽ പ്രസിഡന്റ് കെ.അനിൽകുമാർ മുഖ്യസന്ദേശം നൽകി. ജില്ലാ ഫുട്‌ബാൾ അസോസിയേഷൻ സെക്രട്ടറി ജോയ് പൗലോസ്, വൈസ് പ്രസിഡന്റ് എം.മാത്യു, ജോയിന്റ് സെക്രട്ടറി റെനി വർഗീസ്, ജില്ലാ സ്‌പോർട്ട് കൗൺസിൽ സെക്രട്ടറി അമൽജിത്ത്.കെ.എസ് എന്നിവർ സംസാരിച്ചു.