യുവാവി​ന്റെ മരണം: സഹോദരൻ അറസ്റ്റി​ൽ

കൂടൽ : അംബേദ്കർ ഉന്നതി​യി​ൽ 44 കാരനെ മരിച്ച നിലയിൽ കണ്ടെത്തിയ സംഭവത്തിൽ സഹോദരനെ കൂടൽ പൊലീസ് അറസ്റ്റ് ചെയ്തു. കുളത്തുമൺ അംബേദ്കർ ഉന്നതി​യി​ൽ കലയിൽ പടിഞ്ഞാറേതിൽ അനിലാണ് (44) മരിച്ചത്. സഹോദരൻ സുധീഷാണ് പൊലീസ് പി​ടി​യി​ലായത്. ബുധനാഴ്ച രാത്രി 9 മണിയോടെയാണ് സംഭവം. വീട്ടിൽവച്ച് അനിലും സുധീഷുമായി​ തർക്കമുണ്ടായി​.

തുടർന്ന് മർദ്ദിച്ചതായാണ് പൊലീസ് പറയുന്നത്. പരിക്കേറ്റ അനിലിനെ കോന്നി താലൂക്ക് ആശുപത്രിയിൽ എത്തിച്ചെങ്കിലും മരണം സംഭവി​ച്ചി​രുന്നു. ആശുപത്രിയിൽ നിന്ന് ലഭിച്ച വിവരത്തിന്റെ അടിസ്ഥാനത്തിൽ കൂടൽ പൊലീസ് അന്വേഷണം നടത്തുകയായി​രുന്നു. കൂടൽ എസ്.ഐ ആർ.എം.രജിത്ത്നാഥി​ന്റെ നേത്വത്തിലാണ് അന്വേഷണം.