പി.കെ.ശ്രീകുമാറിന് വീണ്ടും രാഷ്ട്രപതിയുടെ മെഡൽ

മാന്നാർ : വിശ്രമ ജീവിതത്തിലും നാടിനൊപ്പം നിൽക്കുന്ന മാന്നാർ കുരട്ടിശ്ശേരി പടിപ്പുരയ്ക്കൽ തെക്കേതിൽ എയർ വൈസ് മാർഷൽ (റിട്ട.) പി.കെ ശ്രീകുമാറിനെത്തേടി വീണ്ടും രാഷ്ട്രപതിയുടെ മെഡൽ. ഇത്തവണ അതിവിശിഷ്ട സേവാ മെഡലിനാണ് അർഹനായത്. 2015 ൽ രാഷ്ട്രപതിയുടെ വിശിഷ്ട സേവാ മെഡൽ നേടിയിട്ടുള്ള ശ്രീകുമാർ 1988 സെപ്‌റ്റംബർ 12-നാണ് എയർഫോഴ്‌സിൽ എൻജിനീയറായി പ്രവേശിച്ചത്. 36 വർഷത്തെ സേവനത്തിനു ശേഷം അസിസ്റ്റന്റ് ചീഫ് ഓഫ് എയർ സ്റ്റാഫ് തസ്തികയിലിരിക്കെ 2024 ഏപ്രിൽ 30നാണ് വിരമിച്ചത്.