വീണാവിജയന് ലഭിച്ച പണം ഏതുഗണത്തിലുള്ളത് : മാത്യു കുഴൽനാടൻ

തിരുവനന്തപുരം: സി.എം.ആർ.എല്ലിന്റെ സഹോദര സ്ഥാപനമായ എംപവർ ക്യാപ്പിറ്റൽ ഇൻവെസ്റ്റ്മെന്റിൽ നിന്ന് മുഖ്യമന്ത്രിയുടെ മകൾ വീണാ വിജയന് ലഭിച്ച പണം ഏത് ഗണത്തിൽ സി.പി.എം ഉൾപ്പെടുത്തുമെന്ന് മാത്യു കുഴൽനാടൻ എം.എൽ.എ. ഈ സ്ഥാപനത്തിൽ നിന്ന് വായ്പയായി ലഭിച്ച തുക തിരിച്ചടച്ചുവെന്ന് വ്യാജരേഖയുണ്ടാക്കി അത് സ്വന്തമാക്കിയെന്നാണ് എസ്.എഫ്‌.ഐ.ഒ കുറ്റപത്രത്തിലൂടെ വ്യക്തമാക്കിയിട്ടുള്ളതെന്നും അദ്ദേഹം മാദ്ധ്യമങ്ങളോട് പറഞ്ഞു. ഈ ഇടപാട് ഏത് കരാറിന്റെ അടിസ്ഥാനത്തിലാണെന്ന് പറയാനുള്ള ബാദ്ധ്യത സി.പി.എമ്മിനുണ്ടെന്നും കുഴൽനാടൻ വ്യക്തമാക്കി.