SignIn
Kerala Kaumudi Online
Tuesday, 12 November 2019 9.18 PM IST

എൻഡോസൾഫാൻ ബാധിതർക്ക് പെൻഷനും സമ്മാനവും കിട്ടി

endosulfan-issue

കാസർകോട്: എൻഡോസൾഫാൻ ദുരിതബാധിതർക്ക് മുടങ്ങിയിരുന്ന പെൻഷനും സർക്കാർ അനുവദിച്ചിരുന്ന ഓണസമ്മാനവും കിട്ടിത്തുടങ്ങി. രണ്ടു മാസത്തെ പെൻഷൻ തുകയായ 4400 രൂപയും ഓണസമ്മാനമായ 1000 രൂപയുമാണ് ദുരിത ബാധിതരുടെ ബാങ്ക് അക്കൗണ്ടിൽ എത്തിയത്. ബാങ്ക് അവധിക്ക് മുമ്പുതന്നെ പണം ഇട്ടതിനാൽ എ.ടി.എം ഉപയോഗിച്ച് പിൻവലിക്കാൻ കഴിഞ്ഞു. ഓണം കുശാലാക്കാനും ദുരിതം ബാധിച്ചവർക്ക് മരുന്ന് വാങ്ങുന്നതിനും അതുകൊണ്ട് സാധിക്കും.

കേരളകൗമുദി വാർത്ത ശ്രദ്ധയിൽപ്പെട്ടതിനെ തുടർന്ന് ആരോഗ്യ മന്ത്രി കെ.കെ. ശൈലജ ഇടപെട്ടാണ് മുടങ്ങിയ പെൻഷൻ തുകയും ഓണസമ്മാനവും അനുവദിക്കുന്നതിന് നിർദ്ദേശം നൽകിയത്. അഞ്ച് മാസമായി പെൻഷൻ മുടങ്ങിയിട്ടും കാസർകോട് സാമൂഹ്യ നീതി വകുപ്പും എൻഡോസൾഫാൻ സെൽ അധികാരികളും സഹായം എത്തിക്കുന്നതിന് ഒന്നും ചെയ്തിരുന്നില്ല.

ആഗസ്റ്റ് ആദ്യവാരം തന്നെ ഒമ്പത് കോടി രൂപ സർക്കാർ അനുവദിച്ചിട്ടും ഫണ്ടില്ലെന്ന മുടന്തൻ ന്യായം പറഞ്ഞാണ് പെൻഷൻ നൽകുന്നത് നീട്ടിക്കൊണ്ടുപോയത്. ഓണത്തിനുമുമ്പ് പെൻഷൻ കിട്ടുമെന്ന് കരുതിയിരുന്നു. ആ പ്രതീക്ഷ നഷ്ടപ്പെട്ടതോടെയാണ് എൻഡോസൾഫാൻ ദുരിതബാധിതർ പ്രതിഷേധവുമായി രംഗത്തുവന്നത്. 1000 രൂപ ഓണസമ്മാനം നൽകുമെന്ന സർക്കാർ പ്രഖ്യാപനം അട്ടിമറിക്കാനും നീക്കം നടന്നതായി ദുരിത ബാധിതർ പറഞ്ഞിരുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: KERALA KAUMUDI IMPACT
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.