SignIn
Kerala Kaumudi Online
Friday, 18 October 2019 11.23 AM IST

നാലാം ക്ളാസിലെ ഇഷ്‌ടം ഒരിക്കൽ കൂടി തുറന്നു പറഞ്ഞു, ഒടുവിൽ... നല്ലോണം മെലിഞ്ഞ തന്റെ അപകർഷതയുടെ കഥ പറഞ്ഞ് യുവ ഡോക്‌ടർ

fb

തടി കൂടിയതിന്റെയോ കുറഞ്ഞതിന്റെയോ ഒക്കേ പേരിൽ പരിഹസിക്കപ്പെടുന്നവർ നിരവധിയുണ്ട് സമൂഹത്തിൽ. സുഹൃത്തക്കളും ബന്ധുക്കളും അയൽക്കാരുമെന്ന് വേണ്ട കണ്ണിൽ കാണുന്നവരൊക്കെ തടിയുടെ പേരിൽ ഉപദേശിക്കുകയും, കളിയാക്കുകയും ചെയ്യുന്നു. ഇത്തരത്തിൽ പരിഹസിക്കപ്പെടുന്നവരുടെ മാനസികാവസ്ഥയെപ്പറ്റി ചിന്തിച്ചിട്ടുണ്ടോ?

വണ്ണമില്ലായ്മയെക്കുറിച്ചുള്ള മറ്റുള്ളവരുടെ ഉപദേശം കേട്ട് ആവശ്യത്തിൽ കൂടുതൽ അപകർഷതാ ബോധം ഉണ്ടായ ഒരു അനുഭവം വെളിപ്പെടുത്തിയിരിക്കുകയാണ് ഡോക്ടർ നെൽസൺ ജോസഫ്. വണ്ണത്തിന്റെ പേരിൽ സ്നേഹിക്കുന്ന പെണ്ണിനോട് ഇഷ്ടം തുറന്ന് പറയാൻ വരെ ഭയമുണ്ടായ കഥയാണ് നെൽസൺ പങ്കുവച്ചിരിക്കുന്നത്.

ഫേസ്ബുക്ക് പോസ്റ്റിന്റെ പൂർണ്ണരുപം


ഒരു വലിയ അപകർഷതാബോധത്തിന്റെ അവസാനമായിരുന്നു അന്ന്...

ഓർമയുള്ള കാലം തൊട്ട് ഞാൻ ഇങ്ങനാണിരിക്കുന്നത്. ഇങ്ങനേന്ന് വച്ചാൽ നല്ലോണം മെലിഞ്ഞിട്ട്. കളിയാക്കൽ തൊട്ട് ഉപദേശം വരെ നീണ്ട ഒരു ലിസ്റ്റുണ്ട് അന്ന് കേട്ടതൊക്കെയെടുത്താൽ...

കേട്ടുകേട്ട് വണ്ണമില്ലായ്മയെക്കുറിച്ചും സ്വന്തം ലുക്കിനെക്കുറിച്ചുമൊക്കെ ആവശ്യത്തിൽ കൂടുതൽ ഇൻഫീരിയോറിറ്റി കോമ്പ്ലക്സടിച്ച് അതുകൊണ്ടൊരു ഷോപ്പിങ്ങ് കോമ്പ്ലക്സ് വച്ച് നടക്കുന്ന കാലം..

ആ സമയത്താണ് അവളെ വീണ്ടും കാണുന്നത്..

പണ്ട് ചെറിയൊരു സോഫ്റ്റ് കോർണറുണ്ടായിരുന്നു..പിന്നെ കാണാതായപ്പൊ അതങ്ങ് കൈവിട്ടു പോയി..

മറ്റ് പലയിടത്തും കറങ്ങിത്തിരിഞ്ഞ് ഒടുവിൽ വീണ്ടും മുന്നിൽ വന്നുപെട്ടതാണ്. കുറച്ച് കാലത്തെ സംസാരം കൊണ്ട് നല്ല സുഹൃത്തുക്കളായിരുന്നു..

പരീക്ഷയൊക്കെക്കഴിഞ്ഞുള്ള അവധിയായതുകൊണ്ട് ഇഷ്ടം പോലെ സമയമുണ്ട്. സംസാരത്തിനിടയിൽ ഒരിക്കൽപ്പോലും ഇഷ്ടമാണെന്ന് പറഞ്ഞില്ല. കാരണം പറഞ്ഞാൽ അതോടെ ആ ബന്ധം അവിടെത്തീരും..

അല്ലേലും പൈസ, ലുക്ക്, ജോലി, കഴിവ് ഈ ഐറ്റംസൊന്നുമില്ലാത്ത എന്നെ ഇഷ്ടമാണെന്ന് ഏത് പെണ്ണ് പറയാനാണ്? വെറുതെ ചോദിച്ച് ബുദ്ധിമുട്ടേണ്ട..പോകുന്നിടത്തോളം ഫ്രണ്ട്സായിട്ടങ്ങ് പോവാം..

ഒരിക്കൽ സംസാരത്തിനിടെ ടോപ്പിക് കറങ്ങിത്തിരിഞ്ഞ് വണ്ണത്തിലെത്തി. ബാക്കി എല്ലാവരും ചോദിച്ച ചോദ്യം അവളും ചോദിച്ചു. വീട്ടിലെല്ലാരും ഇങ്ങനാണോ അതോ ഞാനൊരു എക്സപ്ഷനാണോ എന്നായിരുന്നു. അതിനു സാധാരണപോലൊരു മറുപടി പറഞ്ഞ് അതേ ചോദ്യം തിരിച്ചും ചോദിച്ചു...അവിടെല്ലാരും Well built ആണത്രേ...

ഓ, എന്നാൽപ്പിന്നെ സ്വപ്നം കാണൽ ഇവിടെവച്ച് ഫുൾ സ്റ്റോപ്പിടാം എന്ന് തീരുമാനിച്ചു...

പിറ്റേ ഞായറാഴ്ച പള്ളിയിൽ അവരുടെ ഇടവകയിലാണു പോയത്..വൈകിട്ട് അവിടെയേ കുർബാനയുള്ളു.. കുർബാന കഴിഞ്ഞ് പള്ളിയുടെ നടയിറങ്ങിപ്പോവുന്ന അവളെ കണ്ടു...അവളും..ചിരിച്ചു..

പിന്നെ ഒരു രണ്ട് ദിവസം പൊരിഞ്ഞ അടിയാണ്. എന്താ സംഭവം? എന്തിനാണ് അവരുടെ പള്ളീൽ വന്നതെന്നറിയണം. വണ്ണം കുറവാണോന്ന് നോക്കാൻ വന്നതാന്ന് എങ്ങനെ പറയും?..അതോടെ തീരൂല്ലേ? ലാസ്റ്റ് മടുത്ത് തിരിച്ച് ഒരു ചോദ്യമെറിഞ്ഞു...

" പറഞ്ഞാ ഇപ്പൊഴുള്ള ഫ്രണ്ട്ഷിപ്‌ ഇതുപോലെ ഉണ്ടാവുമെന്ന് ഉറപ്പുതരണം "

" Mmm "

" പണ്ട്‌ നാലാം ക്ലാസിൽ വച്ച്‌ ഇഷ്ടമാണെന്ന് ഞാൻ പറഞ്ഞിട്ടില്ലേ? "

" Mmm "

" ആ ഇഷ്ടം ഇപ്പൊഴും ഉണ്ടെന്ന് കൂട്ടിക്കോ "

" . . . . . "

" ? "

" അത്രേം ഇഷ്ടേ ഒള്ളോ?"

" ഞാൻ വലുതായില്ലേ? അപ്പൊ ഇഷ്ടോം വലുതായിക്കാണും "

" . . . . "

" ഞാൻ എന്റെ കാര്യം പറഞ്ഞു, ഇനി എന്നോടുള്ള ആറ്റിറ്റ്യൂഡ്‌ എന്താണെന്ന് എനിക്കറിയണം "

ഏഴ് വർഷമായി....

അതിൻ്റെ ഉത്തരം ഇപ്പൊ വീട്ടിലിരുന്ന് ജെ.സി.ബി ഓടിച്ചുകളിക്കുന്നുണ്ട്..

PS: വെഡ്ഡിങ്ങ് ആനിവേഴ്സറിയല്ല. ഒരിക്കലും ഒരു പെണ്ണിനോട് അങ്ങോട്ട് ചെന്ന് ഇഷ്ടമാണെന്ന് പറയില്ല എന്ന തീരുമാനം തെറ്റിച്ച ദിവസമാണ്.

കല്യാണത്തിലോട്ടെത്താൻ പിന്നെയും വർഷം നാലെണ്ണമെടുത്തു

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NELSON JOSEPH, FACEBOOK POST, WIFE, SOCIALMEDIA, VIRAL POST
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.