പൊങ്കാലയ്ക്ക് മൂന്ന് പാസഞ്ചർ സ്പെഷ്യൽ ട്രയിനുകൾ

തിരുവനന്തപുരം: ആറ്റുകാൽ പൊങ്കാല മഹോത്സവം കണക്കിലെടുത്ത് എറണാകുളത്ത് നിന്നും നാഗർകോവിലിൽ നിന്നും തിരുവനന്തപുരത്തേക്ക് പ്രത്യേക പാസഞ്ചർ ട്രെയിനുകൾ ഉണ്ടാകും. പൊങ്കാല കഴിഞ്ഞ് എറണാകുളത്തേക്ക് ആലപ്പുഴ വഴിയും നാഗർകോവിലിലേക്കും പാസഞ്ചർ സ്പെഷ്യൽ ട്രെയിൻ സർവ്വീസുകളുമുണ്ടാകും.

നാഗർകോവിൽ - തിരുവനന്തപുരം പാസഞ്ചർ സ്പെഷ്യൽ മാർച്ച് 2ന് തിരുവനന്തപുരത്ത് നിന്ന് രാത്രി 8.55ന് പുറപ്പെട്ട് രാത്രി 11ന് നാഗർകോവിലിലെത്തും. തുടർന്ന് മാർച്ച് 3ന് പുലർച്ചെ 1.20ന് നാഗർകോവിലിൽ നിന്ന് പുറപ്പെട്ട് രാവിലെ 3.30ന് തിരുവനന്തപുരത്തെത്തും.ബാലരാമപുരം,നെയ്യാറ്റിൻകര,ധനുവെച്ചപുരം,പാറശാല,കുൾതുറയ്,പള്ളിയാടടി,എരണയിൽ,മാനാനയ്ലൂർ,നാഗർകോവിൽ ടൗൺ എന്നിവിടങ്ങളിൽ സ്റ്റോപ്പുണ്ട്.

എറണാകുളത്ത് നിന്ന് തിരുവനന്തപുരത്തേക്കുള്ള പൊങ്കാല സ്പെഷ്യൽ പാസഞ്ചർ ട്രെയിൻ മാർച്ച് 3ന് രാവിലെ 1.20ന് എറണാകുളത്തുനിന്ന് പുറപ്പെട്ട് രാവിലെ 6.30ന് തിരുവനന്തപുരത്തെത്തും. തൃപ്പൂണിത്തുറ,മുളന്തുരുത്തി,പിറവം,വൈക്കം,എറ്റുമാനൂർ,കുമാരനല്ലൂർ, കോട്ടയം, ചങ്ങനാശേരി,തിരുവല്ല,ചെങ്ങന്നൂർ,ചെറിയനാട്,മാവേലിക്കര,കായംകുളം,ഓച്ചിറ,കരുനാഗപ്പളളി,ശാസ്താംകോട്ട,മൺറോതുരുത്ത്,പെരിനാട്,കൊല്ലം,മയ്യനാട്,പരവൂർ,വർക്കല,കടയ്ക്കാവൂർ,ചിറയിൻകീഴ്,മുരുക്കുംപുഴ,കണിയാപുരം,കഴക്കൂട്ടം,പേട്ട എന്നിവിടങ്ങളിൽ സ്റ്റോപ്പുണ്ട്.

തിരുവനന്തപുരത്ത് നിന്ന് മാർച്ച് 3ന് ഉച്ചയ്ക്ക് 2.40ന് പുറപ്പെടുന്ന ആലപ്പുഴ വഴിയുള്ള എറണാകുളം പൊങ്കാലസ്പെഷ്യൽ പാസഞ്ചർ രാത്രി 7.10ന് എറണാകുളത്തെത്തും.

ഇത് കൂടാതെ കണ്ണൂർ - തിരുവനന്തപുരം ജനശതാബ്ദിക്കും,മംഗലാപുരം - തിരുവനന്തപുരം വന്ദേഭാരതിനും മാർച്ച് 3ന് പേട്ടയിൽ സ്റ്റോപ്പ് നൽകും.

തിരുവനന്തപുരം- ചെന്നൈ മെയിലിന് കഴക്കൂട്ടം,ചിറയിൻകീഴ്,മധുര -പുനലൂർ എക്സ്പ്രസിന് പള്ളിയാടി,ബാലരാമപുരം,ഗുരുവായൂർ - ചെന്നൈ എഗ്മൂർ എക്സ്പ്രസിന് തുറവൂർ,മാരാരിക്കുളം,അമൃത എക്സ്പ്രസിന് ചിറയിൻകീഴ് എന്നിവിടങ്ങളിൽ സ്റ്റോപ്പ് അനുവദിച്ചിട്ടുണ്ട്.

പൊങ്കാലയ്ക്ക് ശേഷം പുറപ്പെടുന്ന ട്രെയിനുകൾ

ഉച്ചയ്ക്ക് 2.15നുള്ള തിരുവനന്തപുരം -നിസാമുദ്ദീൻ 2.30നാണ് പുറപ്പെടുക.

കൊച്ചുവേളിയിൽ നിന്ന് ഉച്ചയ്ക്ക് 1.40നുളള നാഗർകോവിലിലേക്കുള്ള പാസഞ്ചർ 2.40നാണ് പുറപ്പെടുക.

കൊല്ലത്തുനിന്ന് - കന്യാകുമാരിയിലേക്ക് ഉള്ള മെമു ഉച്ചയ്ക്ക് 11.35ന് പകരം 12.50നാണ് പുറപ്പെടുക.ഈ മെമു ഒന്നേകാൽ മണിക്കൂർ വൈകി ഉച്ചയ്ക്ക് ശേഷം 3.20നായിരിക്കും തിരുവനന്തപുരത്തുനിന്ന് കന്യാകുമാരിക്ക് പുറപ്പെടുക.

നാഗർകോവിലിൽ നിന്ന് കോട്ടയത്തേക്ക് പോകുന്ന എക്സ്പ്രസ് മുക്കാൽ മണിക്കൂർ വൈകി വൈകിട്ട് 3.20ന് തിരുവനന്തപുരത്തുനിന്ന് പുറപ്പെടുന്ന തരത്തിൽ സമയം ക്രമീകരിക്കും.