ഒറ്റ ചാർജിൽ 500 കിലോ മീറ്റർ റേഞ്ച്,​ പുറത്തിറങ്ങി 13 ദിവസത്തിനുള്ളിൽ വാങ്ങിയത് 870 പേർ

സുസൂക്കിയുടെ ആദ്യത്തെ ഇലക്ട്രിക് എസ്‌യുവി ആയ 'ഇ വിറ്റാര' വാഹനലോകത്ത് വലിയ തരംഗമാണ് സൃഷ്ടിക്കുന്നത്. ഇന്ത്യയിൽ മാരുതി സുസൂക്കി നിർമ്മിച്ചു ലോകമെമ്പാടും കയറ്റുമതി ചെയ്യാൻ പോകുന്ന ഈ മോഡൽ, ഇലക്ട്രിക് വാഹന വിപണിയിൽ സുസൂക്കിയുടെ ശക്തമായ വരവാണ് സൂചിപ്പിക്കുന്നത്. ഒട്ടേറെ പേരാണ് ഇ വിറ്റാരയുടെ വരവിനായി കാത്തിരുന്നത്.

സുസൂക്കിയുടെ 'ഇമോഷണൽ വെർസറ്റൈൽ ഡിസൈൻ' എന്ന ആശയത്തിലാണ് ഈ കാർ രൂപകൽപ്പന ചെയ്തിരിക്കുന്നത്. വലിയ വീലുകളും മസ്‌കുലർ ആയ ബോഡി ലൈനുകളും ഇതിന് ഒരു ആധുനിക എസ്‌യുവി ലുക്ക് നൽകുന്നു. ടൊയോട്ടയുമായി ചേർന്ന് വികസിപ്പിച്ച HEARTECT-e എന്ന പ്രത്യേക ഇലക്ട്രിക് പ്ലാറ്റ്‌ഫോമിലാണ് ഇത് നിർമ്മിച്ചിരിക്കുന്നത്.

രണ്ട് ബാറ്ററി ഓപ്ഷനുകളിലാണ് ഇ വിറ്റാര പുറത്തിറങ്ങുന്നത്. നഗരയാത്രകൾക്ക് അനുയോജ്യമായ ഈ മോഡൽ മികച്ച പെർഫോമൻസ് വാഗ്ദാനം ചെയ്യുന്നു. ദീർഘദൂര യാത്രകൾക്ക് അനുയോജ്യമാണ്. ഒറ്റത്തവണ ചാർജ് ചെയ്താൽ ഏകദേശം 400-500 കിലോമീറ്റർ വരെ റേഞ്ച് ലഭിക്കുമെന്നാണ് പ്രതീക്ഷിക്കുന്നത്.

സാധാരണ ഇലക്ട്രിക് കാറുകളിൽ നിന്ന് വ്യത്യസ്തമായി, ഇ വിറ്റാരയിൽ 'ALLGRIP-e' എന്ന ഇലക്ട്രിക് ഫോർ വീൽ ഡ്രൈവ് സിസ്റ്റം ഉൾപ്പെടുത്തിയിട്ടുണ്ട്. രണ്ട് മോട്ടോറുകൾ ഉപയോഗിക്കുന്ന ഈ സാങ്കേതികവിദ്യ ഓഫ്-റോഡ് യാത്രകൾ കൂടുതൽ സുഗമമാക്കും.

അകത്തളത്തിൽ പ്രീമിയം ലുക്ക് നൽകുന്നതിനായി ഹൈ-ടെക് ഫീച്ചറുകളാണ് സുസൂക്കി ഒരുക്കിയിരിക്കുന്നത്. ഡ്യുവൽ സ്‌ക്രീൻ സെറ്റപ്പ്,​ ഇൻഫോടെയ്ൻമെന്റിനും ഡ്രൈവർ ഡിസ്‌പ്ലേയ്ക്കുമായി വലിയ ഡിജിറ്റൽ സ്ക്രീനുകൾ. ADAS, ഒന്നിലധികം എയർബാഗുകൾ, എബിഎസ് തുടങ്ങിയ അത്യാധുനിക സുരക്ഷാ സംവിധാനങ്ങൾ. പുറത്തുവരുന്ന റിപ്പോർട്ട് പ്രകാരം,​ വിപണിയിൽ ഇറങ്ങി 13 ദിവസത്തിനുള്ളിൽ 870 പേരാണ് വാഹനം ബുക്ക് ചെയ്തിരിക്കുന്നത്.