ജില്ലയിൽ 192 പേർക്കു കൂടി കൊവിഡ്

കോട്ടയം : ജില്ലയിൽ 192 പേർക്കു കൂടി കൊവിഡ് സ്ഥിരീകരിച്ചു. ഇതിൽ 188 പേർക്കും സമ്പർക്കത്തിലൂടെയാണ് . ആകെ 3295 പരിശോധനാ ഫലങ്ങളാണ് പുതിയതായി ലഭിച്ചത്.

സമ്പർക്കം മുഖേനയുള്ള രോഗബാധ കൂടുതൽ പേർക്ക് സ്ഥിരീകരിച്ചത് കോട്ടയം മുനിസിപ്പാലിറ്റിയിലാണ്. ഇവിടെ 36 പേർക്ക് രോഗം ബാധിച്ചു. തിരുവാർപ്പ്-18, വാഴപ്പള്ളി-16, അയ്മനം-14, എരുമേലി-12, പാന്പാടി-11, പനച്ചിക്കാട്-10, തൃക്കൊടിത്താനം-9, ഈരാറ്റുപേട്ട-6, ഏറ്റുമാനൂർ, മണർകാട്-5 വീതം, കടനാട്-4 എന്നിവയാണ് രോഗം കൂടുതലായി റിപ്പോർട്ട് ചെയ്യപ്പെട്ട മറ്റു കേന്ദ്രങ്ങൾ.

രോഗം ഭേദമായ 147 പേർ കൂടി ആശുപത്രി വിട്ടു. നിലവിൽ 2200 പേരാണ് ചികിത്സയിലുള്ളത്. ഇതുവരെ 6474 പേർ രോഗബാധിതരായി. 4271 പേർ രോഗമുക്തി നേടി.ജില്ലയിൽ ആകെ 20171 പേർ ക്വാറന്റൈനിൽ കഴിയുന്നുണ്ട്.