പിഎഫ് വിതരണം: ആശങ്ക വേണ്ടെന്ന് കെ.എസ്.ആർ.ടി.സി

തിരുവനന്തപുരം: കെ.എസ്.ആർ.ടി.സിയിൽ വിരമിക്കുന്നവർക്കുള്ള പി.എഫ് ആനുകൂല്യങ്ങൾ അപേക്ഷ ലഭിക്കുന്ന മുറയ്ക്ക് നൽകി വരുന്നതായി കെ.എസ്.ആർ.ടി.സി അറിയിച്ചു. സർവീസിൽ നിന്നു വിരമിക്കുന്നതിന് 6 മാസം മുമ്പ് പി.എഫ് തുക ലഭിക്കുന്നതിന് അപേക്ഷിക്കാം. എന്നാൽ യഥാസമയം അപേക്ഷ സമർപ്പിക്കാത്തതും, ലോക്ക്‌ഡൗണും കാരണവുമാണ് തുക വിതരണം ചെയ്യുന്നതിന് നേരിയ കാലതാമസം നേരിട്ടത്. ഇത് പരിഹരിച്ച് ആനുകൂല്യം ലഭിക്കാത്തവർക്ക് ഉടൻ നൽകുമെന്ന് വാർത്തക്കുറിപ്പിൽ പറയുന്നു.