മെസിയുടെ പേരിൽ തട്ടിപ്പ്: പിടി മുറുക്കാൻ ഇ.ഡി; ഫെമയ്ക്ക് പുറമെ കള്ളപ്പണക്കേസും വരും

കൊച്ചി: ഫുട്ബാൾ ഇതിഹാസം ലയണൽ മെസിയുടെ പേരിൽ നടന്ന കോടികളുടെ തട്ടിപ്പിൽ പൊലീസിന്റെ പ്രത്യേക അന്വേഷണസംഘം (എസ്.ഐ.ടി) രജിസ്റ്റർ ചെയ്ത കേസ് ആയുധമാക്കി എൻഫോഴ്‌സ്‌മെന്റ് ഡയറക്ടറേറ്റ് (ഇ.ഡി) പിടിമുറുക്കും. റിപ്പോർട്ടർ ബ്രോഡ് കാസ്റ്റിംഗ് കമ്പനിക്കും എം.ഡി ആന്റോ അഗസ്റ്റിനുമെതിരെ കള്ളപ്പണം വെളുപ്പിക്കൽ നിരോധന നിയമപ്രകാരം (പി.എം.എൽ.എ) കേസ് എടുക്കാനാണ് നീക്കം. ഇതിന്റെ ഭാഗമായി എസ്.ഐ.ടി അന്വേഷിക്കുന്ന കേസിന്റെ എഫ്.ഐ.ആർ വിശദാംശങ്ങളും കഴിഞ്ഞദിവസം അഞ്ചിടങ്ങളിൽ ഒരേസമയം നടന്ന റെയ്ഡിൽ കണ്ടെത്തിയ വിവരങ്ങളും ഇ.ഡി ശേഖരിച്ചു.

പൊലീസോ മറ്റ് ഏജൻസികളോ രജിസ്റ്റർ ചെയ്യുന്ന കേസുകളുടെ തുടർച്ചയായി മാത്രമേ പി.എം.എൽ.എ പ്രകാരം ഇ.ഡിക്ക് നടപടി സ്വീകരിക്കാൻ സാധിക്കൂ. എസ്.ഐ.ടി കേസിൽ ആന്റോ അഗസ്റ്റിൻ ഒന്നാം പ്രതിയും റിപ്പോർട്ടർ ബ്രോഡ്കാസ്റ്റിംഗ് കമ്പനി രണ്ടാം പ്രതിയുമാണ്. സർക്കാരിനെയും പൊതുജനങ്ങളെയും വഞ്ചിച്ചു, ക്രിമിനൽ ഗൂഢലോചന നടത്തി തുടങ്ങിയ കുറ്റങ്ങളാണ് ചുമത്തിയിട്ടുള്ളത്.

വിദേശ അക്കൗണ്ടിലേക്ക് 126 കോടി രൂപ കൈമാറിയതുമായി ബന്ധപ്പെട്ട് വിദേശനാണ്യ വിനിമയ ചട്ടലംഘനത്തിന് (ഫെമ) ഇ.ഡി നേരത്തെ കേസ് എടുത്തിരുന്നു.

വിദേശത്തേക്ക് പണമയച്ചതുമായി ബന്ധപ്പെട്ട നിർണായക കരാർ രേഖകളും മറ്റു സാമ്പത്തിക ഇടപാടുകളുടെ വിവരങ്ങളും ഇ.ഡി ശേഖരിച്ചിട്ടുണ്ട്. എസ്.ബി.ഐ വഴി ഈ പണം വിദേശത്തേക്കയച്ചതിന്റെ രേഖകൾ ലഭിച്ചു. എന്നാൽ, വഞ്ചനക്കുറ്റം കൂടി നിലനിൽക്കുന്നതിനാൽ പി.എം.എൽ.എ പ്രകാരം കൂടുതൽ ശക്തമായ അന്വേഷണം നടത്താൻ ഇ.ഡിക്ക് സാധിക്കും. ഇ.ഡി ഇന്റലിജൻസിന്റെ വിശദമായ പരിശോധനയ്‌ക്ക് ശേഷം അടുത്ത ദിവസം കേസ് ഔദ്യോഗികമായി രജിസ്റ്റർ ചെയ്യും.

മെസിയുടെ സന്ദർശനം വിവാദമായപ്പോൾ തന്നെ ഇ.ഡി. പ്രാഥമിക അന്വേഷണം നടത്തിയിരുന്നു. മെസിയുടെ സന്ദർശനത്തിന്റെ പേരിൽ വൻ സാമ്പത്തിക ഇടപാട് നടന്നുവെന്ന റിപ്പോർട്ടുകൾ പുറത്തുവന്നതോടെയാണ് ഇ.ഡി കേസെടുത്തത്.

അ​ബ്ദു​റ​ഹി​മാ​ന്റെ മൊ​ഴി​യെ​ടു​ക്കും

മെ​സി​യെ​ ​കേ​ര​ള​ത്തി​ൽ​ ​കൊ​ണ്ടു​വ​രു​മെ​ന്ന് ​പ​റ​ഞ്ഞ് ​ന​ട​ത്തി​യ​ ​കോ​ടി​ക​ളു​ടെ​ ​ത​ട്ടി​പ്പു​മാ​യി​ ​ബ​ന്ധ​പ്പെ​ട്ട് ​മു​ൻ​ ​കാ​യി​ക​ ​മ​ന്ത്രി​ ​അ​ബ്ദു​റ​ഹി​മാ​നി​ൽ​ ​നി​ന്ന് ​മൊ​ഴി​യെ​ടു​ക്കാ​ൻ​ ​പ്ര​ത്യേ​ക​ ​അ​ന്വേ​ഷ​ണ​ ​സം​ഘം.​ ​ഇ​തു​മാ​യി​ ​ബ​ന്ധ​പ്പെ​ട്ട് ​സ്പോ​ൺ​സ​റും​ ​റി​പ്പോ​ർ​ട്ട​ർ​ ​ചാ​ന​ൽ​ ​ഉ​ട​മ​യു​മാ​യ​ ​ആ​ന്റോ​ ​അ​ഗ​സ്റ്റി​ന്റെ​ ​സ്ഥാ​പ​ന​ങ്ങ​ളി​ൽ​ ​ന​ട​ത്തി​യ​ ​പ​രി​ശോ​ധ​ന​യു​ടെ​ ​തു​ട​ർ​ ​ന​ട​പ​ടി​യാ​യി​ട്ടാ​ണി​ത്.
അ​തി​നി​ടെ,​ ​ജി.​എ​സ്.​ടി​ ​സം​ഘം​ ​ക​ണ്ടെ​ത്തി​യ​ ​വ​ൻ​ ​സാ​മ്പ​ത്തി​ക​ ​ത​ട്ടി​പ്പി​ൽ​ ​എ​ന്ത് ​അ​ന്വേ​ഷ​ണം​ ​ന​ട​ത്ത​ണ​മെ​ന്ന​തി​ൽ​ ​സ​ർ​ക്കാ​ർ​ ​ആ​ലോ​ചി​ച്ചു​ ​വ​രി​ക​യാ​ണ്.​ ​അ​ടു​ത്ത​ ​മ​ന്ത്രി​സ​ഭാ​ ​യോ​ഗ​ത്തി​ൽ​ ​ഇ​ക്കാ​ര്യ​ത്തി​ൽ​ ​അ​ന്തി​മ​ ​തീ​രു​മാ​നം​ ​ഉ​ണ്ടാ​കു​മെ​ന്നാ​ണ് ​അ​റി​യു​ന്ന​ത്.