കടൽസൈന്യം പത്തനംതി​ട്ടയിൽ

കൊല്ലം: കനത്തമഴയിൽ ഒറ്റപ്പെട്ടവരെ രക്ഷിച്ച് കൊല്ലത്തെ കടൽ സൈന്യം. ആറന്മുള, റാന്നി, തിരുവല്ല എന്നിവിടങ്ങളിലാണ് സംഘം രക്ഷാപ്രവർത്തനത്തിനെത്തിയത്. കഴിഞ്ഞ ശനിയാഴ്ച മൂന്ന് വള്ളങ്ങളുമായി മത്സ്യത്തൊഴിലാളികൾ ആറന്മുളയിൽ എത്തിയിരുന്നു. ഇന്നലെ പത്ത് വള്ളങ്ങളുമായി 40 മത്സ്യത്തൊഴിലാളികൾ കൂടി കൊല്ലത്ത് നിന്നു പത്തനംതി​ട്ടയിലെത്തി. ഓരോ വള്ളത്തിലും നാലു വീതം തൊഴിലാളികളുണ്ട്.

മന്ത്രി ബിന്ദുകൃഷ്ണ, കൊല്ലം മേയർ എ.കെ.ഹഫീസ് തുടങ്ങിയവരുടെ നേതൃത്വത്തിലാണ് വള്ളങ്ങൾ കൊണ്ടുപോകാനുള്ള ലോറികൾ ഏർപ്പാടാക്കിയത്. ചെലവിനുള്ള ചെറിയ തുക ജില്ലാ ഭരണകൂടം നൽകി. രക്ഷാപ്രവർത്തനം കഴിഞ്ഞ് മടങ്ങിയെത്തുമ്പോൾ ബോട്ടിന്റെ കേടുപാടുകൾ പരിഹരിക്കാനുള്ള പണം സർക്കാർ നൽകുമെന്ന് മന്ത്രി ബിന്ദുകൃഷ്ണ ഉറപ്പുനൽകിയിട്ടുണ്ട്.

2018ലും 2019ലുമുണ്ടായ പ്രളയത്തിൽ പത്തനംതി​ട്ടയിലേക്ക് രക്ഷാപ്രവർത്തനത്തിനു കൊല്ലത്തെ മത്സ്യത്തൊഴിലാളികൾ പോയിരുന്നു.