വീടിനടുത്തെത്തിയ പെരുമ്പാമ്പിനെ കൊന്ന് ഫ്രിഡ്ജിലാക്കി; പിടിച്ചെടുത്തത് മൂന്ന് കിലോ മാംസം

പാലാ: കോട്ടയം പാലായിൽ പെരുമ്പാമ്പിന്റെ മാംസം ഫ്രിഡ്‌ജിൽ സൂക്ഷിച്ച കേസിൽ ഒരാൾ പിടിയിൽ. പാമ്പൂരാംപാറ വെട്ടുകല്ലേൽ ഷിജോ (48)​ ആണ് പിടിയിലായത്. കഴിഞ്ഞ ദിവസമാണ് സംഭവം നടന്നത്. മൂന്ന് കിലോ മാംസമാണ് ഇയാളുടെ വീട്ടിൽ നിന്ന് കണ്ടെത്തിയത്. വീടിന് സമീപത്തുനിന്നാണ് ഷിജോ പെരുമ്പാമ്പിനെ പിടികൂടിയത്.

പൊലീസും എരുമേലിയിൽ നിന്നെത്തിയ വനംവകുപ്പ് ഉദ്യോഗസ്ഥരും ചേർന്നാണ് പ്രതിയെ പിടികൂടിയത്. നിയമവിരുദ്ധമായി പാമ്പിനെ പിടികൂടി മാംസം കെെവശം വച്ചതിന് ഇയാൾക്കെതിരെ കേസെടുത്തിട്ടുണ്ട്. സംഭവത്തിൽ കൂടുതൽ അന്വേഷണം നടത്തിവരികയാണെന്ന് പൊലീസ് അറിയിച്ചു.