തദ്ദേശ ഉപതിരഞ്ഞെടുപ്പിൽ യുഡിഎഫ് വിസ്മമില്ല, സീറ്റുകൾ എൽഡിഎഫ് പിടിച്ചെടുത്തു, ഭൂരിപക്ഷവും കുത്തനെ താഴേക്ക്

തിരുവനന്തപുരം: തദ്ദേശ സ്വയംഭരണ സ്ഥാപനങ്ങളിലേക്കുനടന്ന ഉപതിരഞ്ഞെടുപ്പിലെ ആദ്യഫല സൂചനകൾ പുറത്തുവരുമ്പോൾ യുഡിഎഫ് കിതയ്ക്കുന്നു. സിറ്റിംഗ് സീറ്റുകൾ പലതും അവരെ കൈവിട്ടു. ജയിച്ച സീറ്റുകളിലാവട്ടെ ഭൂരിപക്ഷം താഴെപ്പോവുകയും ചെയ്തു. ഒടുവിൽ റിപ്പോർട്ടുകിട്ടുമ്പോൾ യുഡിഎഫ് –19 എൽഡിഎഫ്–18, എൻഡിഎ–0, മറ്റുള്ളവർ-1 എന്നിങ്ങനെയാണ് സീറ്റുനില.

ഇടുക്കി മുട്ടം പഞ്ചായത്തിൽ 9–ാം വാർഡ് എൽഡിഎഫിൽ നിന്ന് യു ഡി എഫ് പിടിച്ചെടുത്തു. കണ്ണൂരിൽ തിരഞ്ഞെടുപ്പുനടന്ന രണ്ട് സീ​റ്റും എൽഡിഎഫ് നേടി. പ്രതിപക്ഷ നേതാവ് പിണറായി വിജയന്റെ ധർമടം മണ്ഡലത്തിലെ പെരളശ്ശേരിയിലെ ബാവോട് ഈസ്​റ്റിൽ യുഡിഎഫിൽനിന്ന് എൽഡിഎഫ് പിടിച്ചെടുത്തു. 65 വോട്ടിനാണ് ഇവിടെ കെ.വി.രതീഷ് ജയിച്ചത്. കഴിഞ്ഞ തവണ 13 വോട്ടിനാണ് യുഡിഎഫ് വിജയിച്ചത്.

മട്ടന്നൂർ നഗരസഭ ഉരുവച്ചാലിൽ എ.കെ.സുരേഷ് കുമാർ 276 വോട്ടിന് ജയിച്ചു. കഴിഞ്ഞതവണത്തേക്കാൾ ഭൂരിപക്ഷവും കൂടിയിട്ടുണ്ട്. കഴിഞ്ഞ തവണ 269 വോട്ടിനായിരുന്നു സിപിഎം ജയിച്ചിരുന്നത്. പാലക്കാട് പട്ടഞ്ചേരി പഞ്ചായത്തിൽ എൽഡിഎഫിനാണ് വിജയം. ചാലക്കുടി മുനിസിപ്പാലിറ്റിയിൽ യുഡിഎഫിനാണ് വിജയം.