പി.ജി അലോട്ട്മെന്റ് പ്രസിദ്ധീകരിച്ചു

 കേരള സർവകലാശാലയിലെ കോളേജുകളിൽ ബിരുദാനന്തര ബിരുദ പ്രവേശനത്തിനുള്ള ഒന്നാം ഘട്ട അലോട്ട്‌മെന്റ് https://admissions.keralauniversity.ac.in/pg2026 വെബ്‌സൈറ്റിൽ പ്രസിദ്ധീകരിച്ചു. 8നകം പ്രവേശനം നേടണം. 9 ന് വൈകിട്ട് 4നകം ഹയർ ഓപ്ഷനുകൾ നീക്കം ചെയ്യണം.

 പഠന വകുപ്പുകളിൽ നാല് വർഷ ബിരുദ കോഴ്സുകളിലേക്കുള്ള മൂന്നാം ഘട്ട പ്രവേശനവും ബിരുദാനന്തര ബിരുദ കോഴ്സുകളിലേക്കുള്ള രണ്ടാംഘട്ട പ്രവേശനവും അതത് പഠനവകുപ്പുകളിൽ നാളെ നടത്തും. ഫോൺ : 0471-2308328, 9188524612.

 മാർച്ചിൽ നടത്തിയ അഞ്ചാം സെമസ്റ്റർ ത്രിവത്സര എൽ.എൽ.ബി പരീക്ഷാഫലം പ്രസിദ്ധീകരിച്ചു.

 ഡിസംബറിൽ നടത്തിയ മൂന്നാം സെമസ്റ്റർ എം.ടി.ടി.എം പരീക്ഷാഫലം പ്രസിദ്ധീകരിച്ചു.

 പഞ്ചവർഷ എം.ബി.എ ഒന്ന്, മൂന്ന്, അഞ്ച്, ഒമ്പത് സെമസ്റ്റർ പരീക്ഷകളുടെ വിജ്ഞാപനം പ്രസിദ്ധീകരിച്ചു.

 വിദൂരവിദ്യാഭ്യാസ വിഭാഗം മേയിൽ നടത്തിയ ആറാം സെമസ്റ്റർ ബി.എസ്‌സി മാത്തമാറ്റിക്സ് പരീക്ഷയുടെ പ്രാക്ടിക്കൽ 14 നും, പ്രോജക്ട് വൈവവോസി 15 നും കാര്യവട്ടം വിദൂരവിദ്യാഭ്യാസ കേന്ദ്രത്തിൽ വച്ച് നടത്തും.

 എട്ടാം സെമസ്റ്റർ ബി.ടെക് മാർച്ചിലെ കമ്പ്യൂട്ടർ സയൻസ് പ്രാക്ടിക്കൽ പരീക്ഷ കാര്യവട്ടം യൂണിവേഴ്സിറ്റി കോളേജ് ഒഫ് എൻജിനിയറിംഗിൽ വച്ച് 8ന് നടത്തും.

 ജൂലായിൽ നടത്തുന്ന ജർമ്മൻ എ2 പരീക്ഷയുടെ ടൈംടേബിൾ പ്രസിദ്ധീകരിച്ചു.

 15ന് ആരംഭിക്കുന്ന രണ്ടാം സെമസ്റ്റർ എൽ.എൽ.എം പരീക്ഷകളുടെ പുതുക്കിയ ടൈംടേബിൾ വെബ്‌സൈറ്റിൽ.