അനൂപ് ആന്റണി മേഖലാ പ്രഭാരി

തിരുവനന്തപുരം:സംസ്ഥാനത്തെ അഞ്ച് സംഘടനാ മേഖലകളിലും പ്രഭാരിമാരേയും സംഘടനാ സെക്രട്ടറിമാരേയും നിശ്ചയിച്ചതായി സംസ്ഥാന അദ്ധ്യക്ഷൻ രാജീവ് ചന്ദ്രശേഖർ അറിയിച്ചു. സംസ്ഥാന ജനറൽ സെക്രട്ടറി അനൂപ് ആന്റണിയെ ആലപ്പുഴ-പത്തനംതിട്ട മേഖലയുടെ പ്രഭാരിയാക്കി. സംസ്ഥാന വൈസ് പ്രസിഡന്റുമാരായ കെ.സോമനെ തിരുവനന്തപുരം - കൊല്ലം മേഖലയുടേയും ഷോൺ ജോർജ്ജിനെ എറണാകുളം -കോട്ടയം,ഇടുക്കി മേഖലയുടേയും കെ.കെ.അനീഷിനെ തൃശ്ശൂർ,പാലക്കാട് മേഖലയുടേയും വി.ഉണ്ണികൃഷ്ണനെ കോഴിക്കോട്,മലപ്പുറം മേഖലയുടേയും പ്രഭാരിയാക്കി. സെൽ കൺവീനർ വി.കെ.സജീവനാണ് കാസർകോട്,കണ്ണൂർ,വയനാട് മേഖലയുടെ പ്രഭാരി. കാസർകോട് മേഖലയിൽ എ.വി.ഷിജു, കോഴിക്കോട് കെ.പി.സുരേഷ്,തൃശ്ശൂരിൽ കെ.വി.സുരേഷ് ബാബു,എറണാകുളത്ത് അജിഘോഷ്, ആലപ്പുഴ,തിരുവനന്തപുരം മേഖലകളിൽ ജി.കാശിനാഥുമാണ് മേഖലാ സംഘടനാ സെക്രട്ടറിമാർ