മലപ്പുറം പരാമർശം പാർട്ടി നിലപാടല്ല; എം.വി.ഗോവിന്ദൻ

പാലക്കാട്: മലപ്പുറം ജില്ലയെക്കുറിച്ചുള്ള മുൻ എം.എൽ.എ പി.നന്ദകുമാറിന്റെ പരാമർശം തള്ളി സി.പി.എം സംസ്ഥാന സെക്രട്ടറി എം.വി.ഗോവിന്ദൻ. നന്ദകുമാർ പറഞ്ഞത് പാർട്ടി നിലപാടല്ലെന്നും മുസ്ലിം മതന്യൂനപക്ഷങ്ങളെ ചേർത്തുപിടിക്കുന്നതാണ് സി.പി.എമ്മിന്റെ നിലപാടെന്നും അദ്ദേഹം പറഞ്ഞു.

മലപ്പുറം ദേശീയ സ്വതന്ത്രസമര പ്രസ്ഥാനത്തിൽ ഐതിഹാസികമായ പോരാട്ടങ്ങൾക്ക് നേതൃത്വം കൊടുത്ത മണ്ണാണ്.. മുസ്ലീങ്ങളും ഹിന്ദുക്കളും എല്ലാ ജനവിഭാഗങ്ങളും അതിലുണ്ടായിരുന്നു. അവരെല്ലാം നടത്തിയ പോരാട്ടത്തിന്റെ ഭാഗമായാണ് മലപ്പുറം ജില്ല രൂപം കൊള്ളുന്നത്. ജില്ലയിലെ രാഷ്ട്രീയ ബലാബലം സംസാരിക്കുമ്പോഴാണ്, അവിടെ ജമാഅത്തെ ഇസ്ലാമിയുടെയും ലീഗിന്റെയും ആശയതലം കൈകാര്യം ചെയ്യുന്നത് വർഗീയ നിലപാടാണെന്ന് പറയുന്നത്. അത് മലപ്പുറം ജില്ലയെക്കുറിച്ചല്ലെന്നും എം.വി.ഗോവിന്ദൻ വിശദീകരിച്ചു.