
കാലടി: ലോട്ടറി ടിക്കറ്റ് തിരുത്തി വയോധികനെ കബളിപ്പിച്ച് യുവാവ് പണം തട്ടി. കാലടി പഞ്ചായത്ത് ബസ് സ്റ്റാൻഡിന് മുന്നിൽ എം.സി.റോഡരികിൽ ലോട്ടറി വിറ്റ് വന്ന വയോധികനെയാണ് കാറിൽ എത്തിയ യുവാവ് കബളിപ്പിച്ച് പണം തട്ടിയത്. താൻ ഇവിടെ നിന്നും എടുത്ത രണ്ട് ടിക്കറ്റിൽ ഒന്നിന് സമ്മാനം ലഭിച്ചുവെന്നു പറഞ്ഞ് തിരുത്തിയ ടിക്കറ്റ് കാണിച്ച് വയോധികനെ തെറ്റിദ്ധരിപ്പിക്കുകയായിരുന്നു. സമ്മാന തുകയായി 4000 രൂപയുടെ ലോട്ടറി ടിക്കറ്റും 1000 രൂപയും യുവാവിന് നൽകി. വൈകിട്ട് പ്രധാന കടയിൽ ലോട്ടറി ടിക്കറ്റ് മാറ്റാനായി നൽകിയപ്പോഴാണ് താൻ കബളിപ്പിക്കപ്പെട്ട കാര്യം മനസ്സിലായത്. പൊലീസിൽ പരാതി നൽകി.
|
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |