രക്തദാനം നടത്തി ജില്ലാ കളക്ടർ

കൊച്ചി: ലോക രക്തദാനദിനത്തോടനുബന്ധിച്ച് അമൃത ആശുപത്രി സംഘടിപ്പിച്ച പരിപാടിയിൽ ജില്ലാ കളക്‌ടർ ജി. പ്രിയങ്ക രക്തദാനം ചെയ്തു. ട്രാൻസ്ഫ്യൂഷൻ മെഡിസിൻ വിഭാഗത്തിന്റെ ആഭിമുഖ്യത്തിലാണ് രക്തദാന ദിനാചരണവും ദാതാക്കളെ അനുമോദിക്കലും സംഘടിപ്പിച്ചത്. ജില്ലാ കളക്ടർ ഉദ്ഘാടനം നിർവഹിച്ചു. ചീഫ് മെഡിക്കൽ അഡ്മിനിസ്ട്രേറ്റർ ഡോ. പ്രതാപൻ നായർ അദ്ധ്യക്ഷനായി. അഡീഷണൽ പ്രൊഫസർ ഡോ. വീണ ഷേണായ്, സീനിയർ മെഡിക്കൽ അഡ്മിനിസ്ട്രേറ്റർ ഡോ. കെ.വി. ബീന, മെഡിക്കൽ അഡ്മിനിസ്ട്രേറ്റർ ഡോ. അജോയ് മേനോൻ, അമൃത വിശ്വവിദ്യാപീഠം കൊച്ചി ക്യാമ്പസ് ഡീൻ പ്രൊഫസർ യു. കൃഷ്ണകുമാർ, ഡോ. ലിൻഡ ജോൺ, സീനിയർ റെസിഡന്റ് ഡോ. അർച്ചന എന്നിവർ സംസാരിച്ചു.