'ഹൃദയം പറഞ്ഞത്' പ്രകാശനം നവംബർ 18ന്

തൃശൂർ: ടി.എൻ. പ്രതാപന്റെ 'ഹൃദയം പറഞ്ഞത്' എന്ന പുതിയ പുസ്തകത്തിന്റെ പ്രകാശനം നവംബർ 18ന് രാവിലെ 11ന് സാഹിത്യ അക്കാഡമി ഹാളിൽ നടക്കും. സാഹിത്യ അക്കാഡമി പ്രസിഡന്റ് പ്രൊഫ. കൽപ്പറ്റ നാരായണന്റെ അദ്ധ്യക്ഷതയിൽ നടക്കുന്ന ചടങ്ങിൽ മുൻ ആഭ്യന്തര മന്ത്രി രമേശ് ചെന്നിത്തല പ്രകാശനം നിർവഹിക്കും. മന്ത്രി ഒ.ജെ. ജനീഷ്, മേയർ ഡോ. നിജി ജസ്റ്റിൻ, എം.എൽ.എമാരായ രാജൻ പല്ലൻ, ടി.ജെ. സനീഷ് കുമാർ, തോമസ് ഉണ്ണിയാടൻ, ഡി.സി.സി പ്രസിഡന്റ് ജോസഫ് ടാജറ്റ്, സാഹിത്യ അക്കാഡമി സെക്രട്ടറി എം.പി. സുരേന്ദ്രൻ, പ്രൊഫ. പി.വി. കൃഷ്ണൻ നായർ, എൻ. ശ്രീകുമാർ, അജിതൻ മേനോത്ത് തുടങ്ങിയവർ വിശിഷ്ട അതിഥികളായി പങ്കെടുക്കും.