കൊച്ചി റംബുട്ടാൻ കോൺക്ലേവ്

കൂത്താട്ടുകുളം: റംബുട്ടാൻ പഴങ്ങളുടെ മൂല്യവർദ്ധനവും കയറ്റുമതിയും ലക്ഷ്യമാക്കി റംബുട്ടാൻ ആൻഡ് മാംഗോസ്റ്റീൻ ഫാർമേഴ്‌സ് അസോസിയേഷൻ സംഘടിപ്പിച്ച കൊച്ചി റംബുട്ടാൻ കോൺക്ലേവ് മന്ത്രി അനൂപ് ജേക്കബ് ഉദ്ഘാടനം ചെയ്തു. ​അസോസിയേഷൻ പ്രസിഡന്റ് എം.സി. സാജു അദ്ധ്യക്ഷനായി. മന്ത്രി ടി. സിദ്ദിഖ്, സ്പെഷ്യൽ സെക്രട്ടറി എൻ. പ്രശാന്ത് എന്നിവർ ഓൺലൈനായി ആശംസകളറിയിച്ചു. നൂതന കൃഷിരീതികൾ, വിള പരിപാലനം, കീട-രോഗ നിയന്ത്രണം, മൂല്യവർദ്ധിത ഉത്പന്നങ്ങൾ എന്നിവയെക്കുറിച്ച് സെഷനുകൾ നടന്നു. റംബുട്ടാൻ കൃഷിയിൽ വ്യക്തിമുദ്ര പതിപ്പിച്ച കർഷകരെ ആദരിച്ചു. ലിന്റോ വർഗീസ്, ബേബി പയ്യപ്പിള്ളി, റോയ് ജോസഫ്, സുബിൻ ജോസഫ്, ജിന്നെറ്റ് മാത്യു എന്നിവർ നേതൃത്വം നൽകി.