പ്രകടനവും പൊതുയോഗവും

കൊച്ചി: കേന്ദ്ര ട്രേഡ് യൂണിയനുകളും സംയുക്ത കിസാൻ മോർച്ചയും ചേർന്ന് പ്രഖ്യാപിച്ച ദേശീയ പ്രക്ഷോഭത്തിന്റെ ഭാഗമായി എ.ഐ.യു.ടി.യു.സിയും എ.ഐ.കെ.കെ.എം.എസും സംയുക്ത പ്രകടനവും പൊതുയോഗവും നടത്തി. എറണാകുളം മേനകയിൽ നിന്നാരംഭിച്ച പ്രകടനം ഹൈക്കോടതി ജംഗ്ഷനിൽ സമാപിച്ചു. തുടർന്ന് നടന്ന പൊതുയോഗം എ.ഐ.യു.ടി.യു.സി അഖിലേന്ത്യ വർക്കിംഗ് കമ്മിറ്റിഅംഗം പി.എം. ദിനേശൻ ഉദ്ഘാടനം ചെയ്തു. ജില്ലാ വൈസ് പ്രസിഡന്റ് പി.പി. സജീവ്കുമാർ അദ്ധ്യക്ഷനായി. പി.പി. എബ്രഹാം മുഖ്യപ്രസംഗം നടത്തി. കെ.ഒ.ഷാൻ, സി.കെ. ശിവദാസൻ, കെ.പി. സാൽവിൻ, അഡ്വ. പോൾ ടി. സാമുവൽ, സി.കെ. രാജേന്ദ്രൻ, കെ.എ. സതീശൻ, ജോണി ജോസഫ്, സാനുനാഥ്, ബ്രഹ്മകുമാർ തുടങ്ങിയവർ പ്രസംഗിച്ചു.