ദേശീയ ആയുർവ്വേദ ദിനാചരണം

പയ്യന്നൂർ: "ആരോഗ്യകരമായ നാളേക്കായി ആയുർവേദം" എന്ന സന്ദേശം ഉയർത്തി പതിനൊന്നാമത് ദേശീയ ആയുർവേദ ദിനാചരണത്തിന് കണ്ടോത്ത് ഗവൺമെന്റ് ആയുർവേദ ആശുപത്രിയിൽ തുടക്കമായി. നഗരസഭ വൈസ് ചെയർപേഴ്സൺ പി. ശ്യാമള ഉദ്ഘാടനം ചെയ്തു. ആരോഗ്യ സ്റ്റാൻഡിംഗ് കമ്മിറ്റി ചെയർമാൻ വി.പി മോഹനൻ അദ്ധ്യക്ഷത വഹിച്ചു. സ്റ്റാൻഡിംഗ് കമ്മിറ്റി ചെയർപേഴ്സൺ ടി.വി ഷീബ, സീനിയർ മെഡിക്കൽ ഓഫീസർ ഡോ. ടി.പി രാഖി, വാർഡ് കൗൺസിലർ കെ.വി മനോജ്‌ കുമാർ, ആശുപത്രി ചീഫ് മെഡിക്കൽ ഓഫീസർ ഡോ. എ.വി സാജൻ, രജനി, സാബുപോൾ പെരിങ്ങോം, പി.വി അനുശ്രീ സംസാരിച്ചു. ഡോ. സൗഭാഗ്യ ബോധവത്കരണ ക്ലാസ്സ്‌ നടത്തി. 29 വരെ സ്പെഷ്യാലിറ്റി മെഡിക്കൽ ക്യാമ്പുകൾ ബോധവത്കരണ ക്ലാസ്സുകൾ, യോഗ പരിശീലനം എന്നിവ സംഘടിപ്പിക്കും. ഫോൺ: 04985201265, 7012017759.