വയലാർ അനുസ്മരണവും ഗാനസന്ധ്യയും

കണിച്ചാർ: കണിച്ചാർ ഇ.കെ. നായനാർ സ്മാരക ജനകീയ വായനശാല ആൻഡ് ഗ്രന്ഥാലയത്തിന്റെ ആഭിമുഖ്യത്തിൽ വയലാർ അനുസ്മരണവും ഗാനസന്ധ്യയും നടത്തി. വായനശാലാ പ്രസിഡന്റ് വി.വി ബാലകൃഷ്ണന്റെ അദ്ധ്യക്ഷതയിൽ സാംസ്കാരിക പ്രവർത്തകൻ രാജേഷ് മണത്തണ അനുസ്മരണ പ്രഭാഷണം നടത്തി പരിപാടി ഉദ്ഘാടനം ചെയ്തു. വായനശാല വൈസ് പ്രസിഡന്റ് പി.പി ജനാർദ്ദനൻ, സനില അനിൽകുമാർ, ബി.കെ ശിവൻ, റെജി കണ്ണോളിക്കുടി, ഇ.ജി രാമകൃഷ്ണൻ, വി. ചന്ദ്രബാബു, കെ.പി ഗീത തുടങ്ങിയവർ സംസാരിച്ചു. തുടർന്ന് ഗായകരുടെ നേതൃത്വത്തിൽ വയലാറിന്റെ കവിതകളും സിനിമാ ഗാനങ്ങളും കോർത്തിണക്കിയ സംഗീതാർച്ചനയും നടത്തി. എം.ആർ സുരേന്ദ്രൻ, എം.പി തോമസ്, പി.എസ് ശാലിനി,രജനി ശിവൻ, ജയശ്രീ എന്നിവർ നേതൃത്വം വഹിച്ചു. കണിച്ചാർ ഇ.കെ നായനാർ സ്മാരക വായനശാല സംഘടിപ്പിച്ച വയലാർ അനുസ്‌മരണം രാജേഷ് മണത്തണ ഉദ്ഘാടനം ചെയ്യുന്നു