സാംസ്‌കാരിക സംഗമം മോനാച്ചയിൽ

മോനാച്ച: പുരോഗമന കലാസാഹിത്യസംഘം മോനാച്ച യൂനിറ്റിന്റെ നേതൃത്വത്തിൽ സംഘം പ്രവർത്തകൻ പി.വി നാരായണന്റെ വീട്ടുമുറ്റത്ത് സാംസ്‌കാരിക സംഗമം ഒരുക്കി. പ്രദേശത്തെ കലാകാരന്മാരും എഴുത്തുകാരും സംഗമത്തിൽ പങ്കെടുത്തു. സംഘം ഏരിയ പ്രസിഡന്റ് പി.വി സുകുമാരൻ ഉദ്ഘാടനം ചെയ്തു. യൂണിറ്റ് പ്രസിഡന്റ് ശ്രീമാ വിജേഷ് അദ്ധ്യക്ഷത വഹിച്ചു. യൂണിറ്റ് സെക്രട്ടറി പി. ഉണ്ണികൃഷ്ണൻ സ്വാഗതം പറഞ്ഞു. പ്രശസ്ത സിനിമ താരം തമ്പായി അമ്മ മുഖ്യാതിഥിയായി.
അപർണ ശിവചന്ദ്രൻ, പി. നളിനി, പി.വി കുമാരൻ, പി. ഗോപാലകൃഷ്ണൻ, സന്തോഷ് മോനാച്ച, പ്രമോദ് പണിക്കർ എന്നിവർ വിവിധ പരിപാടികൾ അവതരിപ്പിച്ചു. ജില്ലാ വൈസ് പ്രസിഡന്റ് കെ.എം സുധാകരൻ മാസ്റ്റർ, ജില്ലാ കമ്മിറ്റി അംഗം പി. ഗംഗാധരൻ മാസ്റ്റർ എന്നിവർ പങ്കെടുത്തു. യൂണിറ്റ് പ്രസിഡന്റായി സി. സുരേശനെയും സെക്രട്ടറിയായി പി.വി കുമാരനെയും തിരഞ്ഞെടുത്തു.