ജില്ലാ റോളർ സ്‌കേറ്റിംഗ് ചാമ്പ്യൻ ഷിപ്പ്

കൊല്ലം: ജില്ലാ കേഡറ്റ്‌ സബ് ജൂനിയർ, ജൂനിയർ, സീനിയർ, മാസ്റ്റേഴ്സ് റോളർ സ്‌കേറ്റിംഗ് ചാമ്പ്യൻ ഷിപ്പ് 28, 29 തീയതികളിൽ കൊല്ലത്ത് നടത്തുമെന്ന് അസോസിയേഷൻ ജില്ലാ ഭാരവാഹികൾ അറിയിച്ചു. സ്പീഡ് സ്‌കേറ്റിംഗ്, റോളർ ഹോക്കി, ആർട്ടിസ്റ്റിക്, സ്‌കേറ്റ് ബോർഡിംഗ്, റോളർ സ്‌കൂട്ടർ, ഇൻലൈൻ ആൽപൈൻ, ഇൻലൈൻ ഡൗൺഹിൽ തുടങ്ങിയ മത്സരങ്ങളും നടത്തും. അഞ്ച് വയസിന് മുകളിലുള്ളവർ indiaskate.com ൽ പേര് രജിസ്റ്റർ ചെയ്‌ത ഫോം, https://scoreman.in/keraladistricts2024/ എന്ന ലിങ്കിൽ രജിസ്റ്റർ ചെയ്ത ഓൺലൈൻ എൻട്രി ഫോം, ജില്ലയിൽ പഠിക്കുന്ന സ്ഥാപനത്തിൽ നിന്നുള്ള ജനന തീയതി തെളിയിക്കുന്ന സർട്ടിഫിക്കറ്റ്, എൻട്രി ഫീസ് എന്നിവ 25ന് വൈകിട്ട് 5ന് മുമ്പ് ഹാജരാക്കണം. ജില്ലാ റോളർ സ്‌കേറ്റിംഗ് അസോ. പ്രസിഡന്റ് എൻ.ശങ്കരനാരായണ പിള്ള അദ്ധ്യക്ഷനായി. ജില്ലാ സെക്രട്ടറി പി.ആർ.ബാലഗോപാൽ, ജോ. സെക്രട്ടറി പി.അശോകൻ, എക്സി. അംഗം എ.ശിവകുമാർ തുടങ്ങിയവർ സംസാരിച്ചു. സംസ്ഥാന ചാമ്പ്യൻഷിപ്പിലേക്കുള്ള ജില്ലാ ടീമിനെ മത്സരത്തിൽ നിന്ന് തിരഞ്ഞെടുക്കും. ഫോൺ: 9447230830.