ഇന്നലെ 271 പേർക്ക്  കൊവിഡ്

പത്തനംതിട്ട: ജില്ലയിൽ ഇന്നലെ 271 പേർക്ക് കൊവിഡ് സ്ഥിരീകരിച്ചു. 11 പേർ വിദേശ രാജ്യങ്ങളിൽ നിന്ന് വന്നവരും, 34 പേർ മറ്റ് സംസ്ഥാനങ്ങളിൽ നിന്ന് വന്നവരുമാണ്., 226 പേർക്ക് സമ്പർക്കത്തിലൂടെ രോഗം ബാധിച്ചു.

 പുതിയ കണ്ടെയ്ൻമെന്റ് സോണുകൾ

കവിയൂർ ഗ്രാമപഞ്ചായത്തിലെ വാർഡ് എട്ട് (പുളിയിക്കാമല താഴ്ഭാഗവും, ചെറിയപോളയ്ക്കൽ ഭാഗവും), കല്ലൂപ്പാറ ഗ്രാമപഞ്ചായത്തിലെ വാർഡ് 12 എന്നീ സ്ഥലങ്ങളിൽ ഇന്ന് മുതൽ ഏഴു ദിവസത്തേക്ക്് കണ്ടെയ്ൻമെന്റ് സോൺ നിയന്ത്രണം ഏർപ്പെടുത്തി.

 നിയന്ത്രണത്തിൽ നിന്ന് ഒഴിവാക്കി

കടമ്പനാട് ഗ്രാമപഞ്ചായത്തിലെ വാർഡ് ഒൻപത്, മല്ലപ്പുഴശേരി ഗ്രാമപഞ്ചായത്തിലെ വാർഡ് നാല് (ഫിഷറീസ് ഓഫീസ് മുതൽ കീത്തോട്ടത്തിൽപ്പടി വരെ), പ്രമാടം ഗ്രാമപഞ്ചായത്തിലെ വാർഡ് എട്ട് എന്നീ സ്ഥലങ്ങൾ 30 മുതൽ കണ്ടെയ്ൻമെന്റ് സോൺ നിയന്ത്രണത്തിൽ നിന്ന് ഒഴിവാക്കി