ഡി.വൈ.എഫ്.ഐ പ്രതിഷേധിച്ചു

വൈക്കം: വൈദ്യുതി മുടക്കത്തിലൂടെ യു.ഡി.എഫ് സർക്കാർ ജനജീവിതം ദുരിതത്തിലാക്കുന്നുവെന്നാരോപിച്ച് ഡി.വൈ.എഫ്.ഐ വൈക്കം ബ്ലോക്ക് കമ്മ​റ്റിയുടെ നേതൃത്വത്തിൽ വൈക്കം കെ.എസ്.ഇ.ബി ഓഫീസിലേക്ക് പ്രതിഷേധം സംഘടിപ്പിച്ചു. കെ.എസ്.ഇ.ബി ഓഫീസിന് മുന്നിൽ ഫുട്‌ബോൾ കളിച്ചും മെഴുകുതിരികൾ തെളിയിച്ചും വിതരണം ചെയ്തും പ്രതിഷേധിച്ചു. കോട്ടയം ജില്ലാ സെക്രട്ടറിയേ​റ്റ് അംഗം ആനന്ദ് ബാബു ഉദ്ഘാടനം ചെയ്തു. വൈക്കം ബ്ലോക്ക് പ്രസിഡന്റ് എച്ച്.ഐ.റോഹൻ അധ്യക്ഷത വഹിച്ചു. കെ.എം അരുൺ, സിബി ബാബു, കെ.എം.കണ്ണൻ, അലീന റെജി, പി.ജെ.വിനീഷ്, ആജിഷ ഉദയകുമാർ, ഹരികുട്ടൻ, കിരൺ കൃഷ്ണ എന്നിവർ സംസാരിച്ചു.