കോടിമത ബോട്ട് ജെട്ടി വൃത്തിയാക്കി 

കോട്ടയം: വെള്ളപ്പൊക്കത്തിൽ ചെളി അടിഞ്ഞുകൂടിയ കോടിമത ബോട്ട് ജെട്ടിയും പരിസരവും അഗ്‌നിശമനസേന കഴുകി വൃത്തിയാക്കി. ബോട്ട് ജെട്ടി സ്റ്റേഷൻ മാസ്റ്ററുടെ അറിയിപ്പിനെ തുടർന്നാണ് ശുചീകരണം നടത്തിയത്. ഫയർ ആൻഡ് റെസ്‌ക്യൂ ഓഫീസർമാരായ അബ്ബാസി, അബ്ദുൽ റഷീദ്, കൃഷ്ണരാജ്, അലക്‌സ്, വൈശാഖ്, ഹരിശങ്കർ എന്നിവർ നേതൃത്വം നൽകി. ബലിതർപ്പണത്തിനായി എത്തുന്നവർക്ക് സുഗമമായി പ്രവേശിക്കാനും ചടങ്ങുകളിൽ പങ്കെടുക്കാനും സൗകര്യമൊരുക്കുന്നതിനായാണ് അടിയന്തരമായി ശുചീകരണം നടത്തിയത്.