24 കുടുംബങ്ങൾക്ക് ടാർപോളിൻ നൽകി

കുറ്റ്യാടി: റോട്ടറി ക്ലബും നാഷണൽ സ്റ്റോർ തൊട്ടിൽപ്പാലവും ചേർന്ന് മരുതോങ്കരയിലെ നിർധനരായ 24 കുടുംബങ്ങൾക്ക് ഒരു ലക്ഷം വില വരുന്ന ടാർപോളിൻ വിതരണം ചെയ്തു. വീട് പൂർണമായും കവർ ചെയ്യാൻ പറ്റുന്ന തരത്തിലുള്ളതും ഈടുനിൽക്കുന്നതുമായ ടാർപോളിനാണ് വിതരണം ചെയ്തത്. നാഷണൽ സ്റ്റോർസ് ചെയർമാൻ ജോയി കോട്ടയിൽ ഉദ്ഘാനം ചെയ്തു. കുറ്റ്യാടി റോട്ടറി ക്ലബ് പ്രസിഡന്റ് നാണു കോട്ടൻ പാർക്ക്‌ അദ്ധ്യക്ഷത വഹിച്ചു. ക്ലബ്‌ ഭാരവാഹികളായ പ്രവീൺ കുമാർ, ഡോ. സജി പോൾ, അഡ്വ. ഷിബു ജോർജ്, ബിബിൻ നാഷണൽ, സ്നേഹതീരം മെമ്പർ നാരായണൻ തുടങ്ങിയവർ പ്രസംഗിച്ചു. രാജീവ്‌ ജോസഫ് സ്വാഗതവും സ്നേഹതീരം സെക്രട്ടറി റഫീഖ് നന്ദിയും പറഞ്ഞു.