കെ.എം.എസ്.എസ് സമ്മേളനം

കൊയിലാണ്ടി: കേരളത്തിലെ മൺപാത്ര നിർമ്മാണ സമുദായങ്ങൾക്ക് ഒരു ശതമാനം തൊഴിൽ സംവരണം അനുവദിക്കണമെന്ന് കേരള മൺപാത്ര നിർമ്മാണ സമുദായ സഭ (കെ.എം.എസ്.എസ്)​ കോഴിക്കോട് ജില്ലാ കൗൺസിൽ സർക്കാരിനോട് പ്രമേയത്തിലൂടെ ആവശ്യപ്പെട്ടു. സമ്മേളനത്തിന് തുടക്കമിട്ട് പഴയ കാല തൊഴിലാളി ആഞ്ഞോളി കുഞ്ഞികൃഷ്ണൻ പതാക ഉയർത്തി. ഷിജു പാലേരിയുടെ അദ്ധ്യക്ഷതയിൽ ചേർന്ന കൗൺസിൽ സംസ്ഥാന കമ്മിറ്റി മെമ്പർ പി. രാഘവൻ ഉദ്ഘാടനം ചെയ്തു. എൻ. ഭാസ്ക്കരൻ, അനിൽകുമാർ തോടണ്ണൂർ, ശശി രാരോത്ത്, രാധാകൃഷ്ണൻ കൊന്നക്കൽ എന്നിവർ പ്രസംഗിച്ചു. ഇന്നു നടക്കുന്ന പ്രതിനിധി സമ്മേളനംഎൽ.ഡി.എഫ് കൺവീനർ ടി.പി രാമകൃഷ്ണൻ എം.എൽ.എ ഉദ്ഘാടനം ചെയ്യും.