'പറവകളാകാം പറക്കാം' വനിത ശാക്തീകരണം

രാമനാട്ടുകര: പാറമ്മൽ ഗ്രന്ഥലായം ആൻഡ് വായനശാല​ ജനനി വനിത വേദിയും കുടുംബശ്രീ പാറമ്മൽ എ.ഡി.എസും വാഴയൂർ മോഡൽ ജി.ആർ.സിയും സംയുക്തമായി നടത്തിയ വനിത ശാക്തീകരണ പരിപാടി 'പറവകളാകാം പറക്കാം-2025' ശാസ്ത്ര സാഹിത്യ പരിഷത്ത് മേഖല സെക്രട്ടറി ജയ തെക്കൂട്ട് ഉദ്ഘാടനം ചെയ്തു. ​വാഴയൂർ ഗ്രാമ പഞ്ചായത്ത് മെമ്പർ എ വി​. അനിൽകുമാർ, എൻ പ്രസന്ന, രാധാ മംഗലത്ത്, കെ ശിവപ്രസാദ്, കെ സരസ്വതി, ആർ അനുഷ ,ടി പി പ്രമീള ,വി റീന എന്നിവർ പ്രസംഗിച്ചു. ചടങ്ങിൽ പതിനാറാം വാർഡ് ഹരിതകർമസേന അംഗങ്ങളെ ആദരിക്കുകയും ലഹരി വിരുദ്ധ പോസ്റ്റർ രചന മത്സര വിജയികൾക്ക് സമ്മാനങ്ങൾ നൽകുകയും ചെയ്തു.