ശിൽപശാല സംഘടിപ്പിച്ചു

മുക്കം: വിദ്യാർത്ഥികളിൽ സർഗാത്മക കഴിവുകളും ഡിജിറ്റൽ സാങ്കേതിക അറിവുകളും വളർത്തുന്നതിനായി മുക്കം ഹയർ സെക്കൻഡറി സ്കൂളിൽ ഏകദിന ശിൽപശാല സംഘടിപ്പിച്ചു. സ്കൂളിലെ സംരംഭകത്വ വികസന ക്ലബിന്റെ (ഇഡി ക്ലബ്) ആഭിമുഖ്യത്തിൽ 'ഡിജിറ്റൽ ഫോട്ടോഗ്രഫി, ന്യൂസ് ആൻഡ് റീൽസ് മേക്കിംഗ്' എന്നീ വിഷയങ്ങളിലാണ് ക്ലാസുകൾ നടത്തിയത്. പ്രൊഫഷണൽ ഫോട്ടോഗ്രാഫർ രാജീവ് സ്മാർട്ട്, വീഡിയോ ജേണലിസ്റ്റ് റഫീഖ് തോട്ടുമുക്കം എന്നിവർ ക്ലാസെടുത്തു. സ്കൂൾ പ്രിൻസിപ്പൽ ജംഷീന സി.പി ഉദ്ഘാടനം ചെയ്തു. സംരംഭകത്വ വികസന ക്ലബ് കോ ഓർഡിനേറ്റർ നിയാസ് റഹ്മാൻ പി, ദർശന കെ.പി, സ്വപ്ന എ.കെ, വൈഗ, ജന ജാസ്മിൻ എന്നിവർ പങ്കെടുത്തു.