ബഹുജന കൺവൻഷൻ

ശ്രീകൃഷ്ണപുരം: കരിമ്പുഴ കാഞ്ഞിരായിക്കടവിൽ നിർമ്മിക്കുന്ന ഗോവൻ മോഡൽ ജലബന്ധാര തടയണ നിർമ്മാണം തടസ്സപ്പെടുത്തുന്ന കരിമ്പുഴ ഗ്രാമപഞ്ചായത്ത് ഭരണസമിതി നടപടിക്കെതിരെ എൽ.ഡി.എഫിന്റെ നേതൃത്വത്തിൽ പഞ്ചായത്ത് ഓഫീസിലേക്ക് 20ന് ബഹുജന മാർച്ച് സംഘടിപ്പിക്കാൻ ബഹുജന കൺവെൻഷൻ തീരുമാനിച്ചു. സി.പി.എം ഏരിയ സെക്രട്ടറി കെ.ജയദേവൻ കൺവെൻഷൻ ഉദ്ഘാടനം ചെയ്തു. സി.പി.ഐ ലോക്കൽ സെക്രട്ടറി കെ.നാരായണൻ അദ്ധ്യക്ഷത വഹിച്ചു. എം.മോഹനൻ, കെ.ടി.രാമചന്ദ്രൻ, കെ.ശ്രീധരൻ, എ.ശിവശങ്കരൻ, ജില്ലാ പഞ്ചായത്ത് അംഗം എം.കെ.ഷീലാദേവി, കെ.അജിത്ത് കുമാർ എന്നിവർ സംസാരിച്ചു.