ദമ്പതികളെ ആദരിച്ചു

റാന്നി : ഒരേ ദിവസം ഡോക്ടറേറ്റ് നേടിയ ദമ്പതികളായ വടശ്ശേരിക്കര സ്വദേശി ജിതിൻ തോമസ് പാറേൽ, പാത്താമുട്ടം സ്വദേശിനി ലിൻസു തോമസ് എന്നിവരെ പാലിയേറ്റീവ് കെയറിന്റെ നേതൃത്വത്തിൽ ആദരിച്ചു. ഇന്ത്യൻ നഴ്‌സിംഗ് കൗൺസിൽ കൺസോർഷ്യവും രാജീവ് ഗാന്ധി സർവകലാശാലയും സംയുക്ത‌മായി നടത്തുന്ന പി എച്ച് ഡി കോഴ്സിൽ സൈക്യാട്രിക് നഴ്‌സിംഗിലാണ് ഇരുവരും ഗവേഷണം പൂർത്തിയാക്കിയത്. സി പി എം ഏരിയ സെക്രട്ടറി അഡ്വ.കെ.പി.സുഭാഷ് കുമാർ, കോമളം അനിരുദ്ധൻ, ശശികല രാജശേഖരൻ, ബിനോയ് കുര്യാക്കോസ്, കെ.ആർ.രഞ്ജു, എൽ.ടി.ലാൽ എന്നിവർ സംസാരിച്ചു.