വി​ദ്യാർത്ഥി​നി​യുടെ പരാതി​; 62​കാരൻ അറസ്റ്റിൽ

പന്തളം: കടയിൽ സാധനം വാങ്ങാനെത്തിയ 13 വയസുകാരിയെ ഉപദ്രവിക്കാൻ ശ്രമിച്ചെന്ന പരാതിയിൽ 62 ​കാരൻ അറസ്റ്റിൽ. പെരുമ്പുളിക്കൽ പടകോട്ടുക്കൽ സ്വദേശി സജി വർഗീസ് (62) ആണ് പന്തളം പൊലീസിന്റെ പിടിയിലായത്. മൂന്നുദിവസം മുമ്പാണ് കേസിനാസ്പദമായ സംഭവം. പ്രതി മോശമായി പെരുമാറുകയും കടന്നുപിടിച്ച് ലൈംഗികമായി ഉപദ്രവിക്കാൻ ശ്രമിക്കുകയും ചെയ്‌തെന്നാണ് ഏഴാം ക്ലാസ് വിദ്യാർത്ഥിനിയുടെ മൊഴി​. സ്‌കൂളിലെത്തിയ കുട്ടി അദ്ധ്യാപകരോട് വിവരം പറയുകയായിരുന്നു. തുടർന്ന് സ്‌കൂൾ അധികൃതർ ചൈൽഡ് ലൈനിൽ വിവരമറിയിച്ചു. പന്തളം പൊലീസ് കുട്ടിയുടെ മൊഴി രേഖപ്പെടുത്തി അന്വേഷണം ആരംഭിച്ചു. സജി വർഗീസിനെ കോടതിയിൽ ഹാജരാക്കി റിമാൻഡ് ചെയ്തു.