വെള്ളമില്ലാതെ വാട്ടർ എ.ടി എമ്മുകൾ

കിളിമാനൂർ: കുറഞ്ഞചെലവിൽ കുടിവെള്ളം എന്ന ആശയവുമായി കിളിമാനൂർ ബ്ലോക്ക് പഞ്ചായത്ത് നടപ്പിലാക്കിയ വാട്ടർ എ.ടി.എമ്മുകൾ നോക്കുകുത്തികളാകുന്നു. 2019ൽ ആവിഷ്കരിച്ച ഈ പദ്ധതിക്ക് വളരെ കുറഞ്ഞനാളുകൾ മാത്രമേ ആയുസുണ്ടായിരുന്നുള്ളൂ. ഒരു ലിറ്റർ വെള്ളത്തിന് 20 രൂപവേണ്ടിടത്ത് 1 രൂപ മുടക്കിയാൽ അരലിറ്റർ വെള്ളം കിട്ടും. 10 ലക്ഷം രൂപ ചെലവാക്കി ഗ്രാമപഞ്ചായത്തിലെ 5 സ്ഥലത്താണ് എ.ടി.എം സ്ഥാപിച്ചത്. ഇതിൽ 1 രൂപയിട്ടാൽ ശുദ്ധീകരിച്ച കുടിവെള്ളം ടാപ്പിലൂടെ ലഭിക്കും. 1 ലിറ്റർ,5ലിറ്റർ,10 ലിറ്റർ എന്നിങ്ങനെയായിരുന്നു എ.ടി.എമ്മിലെ കുടിവെള്ള ലഭ്യത.

 എ.ടി.എം സ്ഥാപിച്ചത്

1.കരവാരം പഞ്ചായത്തിൽ വഞ്ചിയൂർ ജംഗ്ഷൻ

2.നഗരൂർ പഞ്ചായത്തിലെ കേശവപുരം സി.എച്ച്.സി

3.പുളിമാത്ത് പഞ്ചായത്ത് ഓഫീസിന് മുൻവശം

4.പഴയകുന്നുമ്മേൽ പഞ്ചായത്ത് ബസ് സ്റ്റാൻഡ്

5.പള്ളിക്കൽ പഞ്ചായത്തിൽ പള്ളിക്കൽ ജംഗ്ഷൻ

 എ.ടി.എമ്മുകൾ മരണശയ്യയിൽ

ഗ്രാമപഞ്ചായത്തിലെ അഞ്ചിടത്തായി സ്ഥാപിച്ച എ.ടി.എമ്മുകൾ മരണശയ്യയിലായിട്ട് 6 വർഷം പിന്നിട്ടു. എന്നാൽ ഇവ വീണ്ടും പ്രവർത്തന സജ്ജമാക്കാൻ അധികൃതർക്ക് കഴിഞ്ഞിട്ടില്ല. വേനൽ കടുത്തതോടെ വെള്ളത്തിനായി ജനം നൊട്ടോട്ടമോടുകയാണ്. രോഗികൾ, വിദ്യാർത്ഥികൾ തുടങ്ങി നിരവധിപേരുടെ ദാഹമകറ്രാൻ ശേഷിയുള്ള ഈ എ.ടി.എമ്മുകൾ തുറന്നുപ്രവർത്തിക്കണമെന്നാണ് പൊതുവായ ആവശ്യം.

ഫോട്ടോ: കിളിമാനൂർ പഞ്ചായത്ത് ബസ് സ്റ്റാൻഡിന് സമീപം സ്ഥാപിച്ചിരിക്കുന്ന വാട്ടർ എ. ടി. എം.