നാവിക പരിശീലന കേന്ദ്രം സന്ദർശിച്ചു

തിരുവനന്തപുരം: കേരള സന്ദർശനത്തിനെത്തിയ നാഷണൽ കേഡറ്റ്സ് കോർപ്സ് ഡയറക്ടർ ജനറൽ ലെഫ്റ്റനന്റ് ജനറൽ വീരേന്ദ്ര വാട്സ് ആക്കുളത്ത് നിർമ്മാണത്തിലിരിക്കുന്ന എൻ.സി.സി നാവിക പരിശീലന കേന്ദ്രം സന്ദർശിച്ചു.കേരളം - ലക്ഷദ്വീപ് എൻ.സി.സി ഡയറക്ടറേറ്റ് എ.ഡി.ജി മേജർ ജനറൽ രമേശ് ഷൺമുഖവുമായും സംസ്ഥാനത്തെ എൻ.സി.സിയിലെ മറ്റ് മുതിർന്ന ഉദ്യോഗസ്ഥരുമായും അദ്ദേഹം സംവദിച്ചു.കേഡറ്റുകളുടെ പരിശീലനത്തിന് വേണ്ട എല്ലാ അടിസ്ഥാന സൗകര്യങ്ങളും ആക്കുളത്ത് നിർമ്മിച്ചിരിക്കുന്ന കേന്ദ്രം നിറവേറ്റുന്നുണ്ടെന്ന് ലെഫ്റ്റനന്റ് ജനറൽ വീരേന്ദ്ര വാട്സ് പറഞ്ഞു.