കാപ്പചുമത്തി നാടുകടത്തി

തിരുവനന്തപുരം: നിരവധി ക്രിമിനൽ കേസുകളിലെ പ്രതികളെ കാപ്പ ചുമത്തി നാടുകടത്തി. ആറ്റിപ്ര കുഴിവിള കുളത്തൂർ കിഴക്കുംകര വാഴപ്പണ ചിഞ്ചു നിവാസിൽ ജിഷ്ണു സേവ്യർ (32),​പേട്ട ചായക്കുടി ലെയ്ൻ സി.ആർ.എ 310 ജബാബ് വീട്ടിൽ സന്തോഷ് കുമാർ (42,​ വേലായുധൻ സന്തോഷ്)​ എന്നിവർക്കെതിരെയാണ് കാപ്പ ചുമത്തിയത്. ജിഷ്ണുവിനെ ഒരുവർഷവും സന്തോഷ് കുമാറിനെ 6 മാസത്തേക്കുമാണ് സിറ്റി പൊലീസ് പരിധിയിൽ പ്രവേശിക്കുന്നത് വിലക്കിയത്. സിറ്റി പൊലീസ് കമ്മിഷണർ കെ.കാർത്തിക്കിന്റെതാണ് ഉത്തരവ്. ജിഷ്ണു നേരത്തേ 2 വർഷം സിറ്റി പൊലീസ് പരിധിയിൽ പ്രവേശന വിലക്ക് നേരിട്ടയാളാണ്. ഇയാൾക്കെതിരെ തുമ്പ, മണ്ണന്തല, മെഡിക്കൽ കോളേജ് പൊലീസ് സ്‌റ്റേഷനുകളിലായി 8ൽ അധികം കേസുകളുണ്ട്.വഞ്ചിയൂർ,ഫോർട്ട് എന്നീ സ്റ്റേഷനുകളിൽ 17 ഓളം കേസുകളിൽ പ്രതിയാണ് സന്തോഷ് കുമാർ.