റിംഗ് റോഡിൽലോറി മറിഞ്ഞു:ഡ്രൈവർ രക്ഷപ്പെട്ടു

വെഞ്ഞാറമൂട്: റിംഗ് റോഡിൽ വെഞ്ഞാറമൂട് മാർക്കറ്റിന് സമീപം ലോറി മറിഞ്ഞു. ഡ്രൈവർ പരിക്കുകളില്ലാതെ രക്ഷപ്പെട്ടു. വെള്ളിയാഴ്ച പുലർച്ചെ 4ന് ആയിരുന്നു അപകടം. എം.സി.റോഡിൽ നിന്ന് വെഞ്ഞാറമൂട് പൊലീസ് സ്റ്റേഷന് മുന്നിലൂടെ പുത്തൻപാലം റോഡിൽ പ്രവേശിക്കുന്നതിനായി ഇന്നർ റിംഗ് റോഡിൽ ഇറക്കം ഇറങ്ങി വരുന്നതിനിടെ, ചന്തക്ക് സമീപമുള്ള വളവ് തിരിയുമ്പോഴായിരുന്നു അപകടം. എറണാകുളത്ത് നിന്ന് കൊറിയർ സാധനങ്ങളുമായി തിരുവനന്തപുരത്തേക്ക് വന്നതായിരുന്നു ലോറി.