37ാം ഗുരുവായൂർ സംഗീതാർച്ചന 15ന്

തൃശൂർ: നാദബ്രഹ്മം ഫൗണ്ടേഷൻ കൾച്ചറൽ ആൻഡ് ചാരിറ്റബിൾ ട്രസ്റ്റിന്റെ ആഭിമുഖ്യത്തിൽ 37-ാം ഗുരുവായൂർ സംഗീതാർച്ചന 15 ന് ഗുരുവായൂർ മേൽപ്പുത്തൂർ ഓഡിറ്റോറിയത്തിൽ നടക്കും. ഗുരുവായൂർ ദേവസ്വം ചെയർമാൻ എ.വി. ഗോപിനാഥ് ഉദ്ഘാടനം നിർവഹിക്കും.
ലോകസമാധാനത്തിനും ഭാരതത്തിന്റെ അഖണ്ഡതയ്ക്കുമായി സ്വാമി ചിന്മയാനന്ദയുടെ അനുഗ്രഹത്തോടെ 1988ൽ ആരംഭിച്ചതാണ് ഈ സംഗീതാർച്ചന. രാവിലെ 7.30 മുതൽ വൈകിട്ട് 6 വരെ നീളുന്ന പരിപാടിയിൽ സംഗീതജ്ഞൻ എം.ഡി. സോമശേഖറിന്റെ നേതൃത്വത്തിൽ നൂറോളം ഗായകർ അണിനിരക്കും. വാർത്താസമ്മേളനത്തിൽ നാദബ്രഹ്മം ഫൗണ്ടേഷൻ ട്രസ്റ്റിമാരായ എച്ച്. ഗണേഷ്, മഞ്ജുള ബാലചന്ദ്രൻ, നിർമൽ കുമാർ, ജലജ വിശ്വനാഥ്, ബാലകൃഷ്ണൻ കാറളം എന്നിവർ പങ്കെടുത്തു.