സംസ്ഥാന ജൂനിയർ വോളിബാൾ ചാമ്പ്യൻഷിപ്പിന് തുടക്കം

കയ്പമംഗലം: സ്റ്റേറ്റ് സ്‌പോർട്‌സ് കൗൺസിൽ വോളിബാൾ ടെക്‌നിക്കൽ കമ്മിറ്റിയുടെ ആഭിമുഖ്യത്തിൽ മതിലകം സെന്റ് ജോസഫ്‌സ് ഹയർ സെക്കൻഡറി സ്‌കൂളിലെ പൂർവ്വ വിദ്യാർത്ഥി സംഘടനയായ കോസ്‌മോസിന്റെ സഹകരണത്തോടെ സംഘടിപ്പിക്കുന്ന സംസ്ഥാന ജൂനിയർ വോളിബാൾ ചാമ്പ്യൻഷിപ്പിന് മതിലകത്ത് തുടക്കമായി. കെ.കെ.വത്സരാജ് എം.എൽ.എ മത്സരങ്ങൾ ഉദ്ഘാടനം ചെയ്തു. മതിലകം സെന്റ് ജോസഫ്‌സ് ഹയർസെക്കഡറി സ്‌കൂൾ, കാതിക്കോട് അൽ അഖ്‌സ പബ്ലിക് സ്‌കൂൾ, കാതിക്കോട് ജവഹർ ലൈബ്രറി ഇമാമു നഗർ, പുന്നക്കബസാർ സാംസ്‌കാരിക കേന്ദ്രം എന്നിവിടങ്ങളിലായാണ് മത്സരങ്ങൾ നടക്കുന്നത്. 21 ന് സമാപിക്കുന്ന മത്സരത്തിലെ വിജയികൾക്ക് മതിലകം പഞ്ചായത്ത് പ്രസിഡന്റ് സുമതി സുന്ദരൻ സമ്മാനങ്ങൾ വിതരണം ചെയ്യും.