'വണ്ടി'നാടകത്തിന് ഒന്നാം സ്ഥാനം

വടകര : 5, 6, 7 തിയതികളിൽ വടകരയിൽ നടക്കുന്ന ജില്ല സ്കൂൾ ശാസ്ത്രോത്സവത്തിന്റെ ഭാഗമായി വടകര ടൗൺ ഹാളിൽ നടന്ന ശാസ്ത്രനാടക മത്സരത്തിൽ മേമുണ്ട ഹയർ സെക്കൻഡറി സ്കൂൾ അവതരിപ്പിച്ച ശാസ്ത്ര നാടകം "വണ്ടി " ഒന്നാം സ്ഥാനം നേടി. കോഴിക്കോട് പ്രോവിഡൻസ് ഗേൾസ് ഹയർ സെക്കൻഡറി സ്കൂൾ അവതരിപ്പിച്ച "തൊണ്ട

" നാടകത്തിനാണ് രണ്ടാം സ്ഥാനം. വണ്ടി നാടകത്തിലെ തേജയും ശ്രീശൈവും മികച്ച നടീനടന്മാരായി. തേജ, ശ്രീശൈവ്, ലാമിയ, അദ്രിനാഥ്, ആര്യ, ആൽവിൻ ആദിൽ എന്നിവരാണ് നാടകത്തിൽ വേഷമിട്ടത്. 11ന് തൃശ്ശൂരിൽ നടക്കുന്ന സംസ്ഥാന ശാസ്ത്രനാടക മത്സരത്തിൽ മേമുണ്ടയുടെ നാടകം ജില്ലയെ പ്രതിനിധീകരിക്കും.