രാജ്യം വീണ്ടും വിഭജനത്തിന്റെ രാഷ്ട്രീയം നേരിടുന്നു

തൃശൂർ: ദേശീയ ഏകതാ ദിനമായി ഒക്ടോബർ 31 ആചരിക്കുമ്പോൾ, വോട്ടർ പട്ടികയിൽ നിന്ന് വോട്ടർമാരെ വെട്ടിമാറ്റി ജനങ്ങളെ ഭിന്നിപ്പിക്കാനാണ് ഇന്നത്തെ ഭരണകൂടം ശ്രമിക്കുന്നതെന്ന് യു.ഡി.എഫ് ജില്ലാ ചെയർമാൻ ടി.വി.ചന്ദ്രമോഹൻ.
ഡി.സി.സിയുടെ നേതൃത്വത്തിൽ സംഘടിപ്പിച്ച മുൻ പ്രധാനമന്ത്രി ഇന്ദിരാഗാന്ധിയുടെ 42-ാം രക്തസാക്ഷിത്വ ദിനവും സർദാർ വല്ലഭായ് പട്ടേലിന്റെ 151-ാം ജന്മദിനവും മുൻ മുഖ്യമന്ത്രി ഉമ്മൻ ചാണ്ടിയുടെ 83-ാം ജന്മദിനാചരണവും ഉദ്ഘാടനം ചെയ്തു സംസാരിക്കുകയായിരുന്നു.ഡി.സി.സി വൈസ്പ്രസിഡന്റ് ഐ.പി പോൾ അദ്ധ്യക്ഷനായി. നേതാക്കളായ ജോസ് വള്ളൂർ, കെ.വി. ദാസൻ, എ.പ്രസാദ്,ജോസഫ് ചാലിശ്ശേരി, സുനിൽ അന്തിക്കാട്,സി.ഒ ജേക്കബ്ബ്,കെ.കെ.ബാബു,കെ.ബി.ജയറാം, ബൈജു വർഗീസ്,സജീവൻ കുരിയച്ചിറ, എം.എസ്.ശിവരാമക്യഷ്ണൻ, ടി.കെ.പൊറിഞ്ചു,പി.ശിവശങ്കരൻ, ഫ്രാൻസിസ് ചാലിശ്ശേരി, കെ.പി.രാധാകൃഷ്ണൻ തുടങ്ങിയവർ സംസാരിച്ചു.