കെ.എസ്.എഫ്.ഇ. കുടിശിക നിവാരണ പദ്ധതി ഇന്ന് മുതൽ

പലിശയിൽ 60 ശതമാനം വരെ ഇളവ്

തൃശൂർ: കെ.എസ്.എഫ്.ഇ.യിലെ ചിട്ടികളിലും വായ്പകളിലും കുടിശിക വരുത്തിയവർക്കായി പ്രത്യേക ഒറ്റത്തവണ തീർപ്പാക്കൽ (കുടിശിക നിവാരണ) പദ്ധതി നടപ്പിലാക്കുന്നു. സംസ്ഥാന സർക്കാരിന്റെ മുൻകൈയിൽ നടപ്പിലാക്കുന്ന പദ്ധതി ഇന്ന് ആരംഭിക്കും. നവംബർ അവസാനം വരെ പദ്ധതിയുടെ ആനുകൂല്യങ്ങൾ ലഭ്യമാകും. നിബന്ധനകൾക്ക് വിധേയമായി കുടിശികക്കാർക്ക് പരമാവധി 60 ശതമാനം വരെ പലിശയിളവ് ലഭിക്കും. റവന്യൂ റിക്കവറി നടപടികൾ നേരിടുന്ന കുടിശികകൾക്കും പദ്ധതിയുടെ ആനുകൂല്യം ലഭിക്കുമെന്ന് മലനജിംഗ് ഡയറക്ടർ അറിയിച്ചു. കൂടുതൽ വിവരങ്ങൾക്ക് അതത് ശാഖകളുമയോ എസ്.ഡി.ടി ഓഫീസുകളുമയോ ബന്ധപ്പെടാം. ഹെൽപ്പ് ലൈൻ നമ്പറുകൾ: 9447798003, 9446006214.